Kanadalyq 27 jasar Aleksandr Bıssonett 6 adamdy óltirdi jáne 5 adamdy óltirýge oqtaldy dep aıyptalyp otyr dep habarlaıdy CBC.

Aleksandr Bıssonettaǵa deıin ustalǵan kúdikti Mohammad Hadırany tergeýden keıin jibergen. Qylmystyq is boıynsha ol kýáger retinde ótip jatyr.

Esterińizge salaıyq, Kanada meshitinde qarý asynǵan adamdar keshki namaz kezinde meshitke kirip, adamdardy ata bastaǵan. Nátıjesinde 6 adam kóz jumyp, 18-i jaralandy. Onyń ekeýi aýyr jaǵdaıda. Kanada bıligi bolǵan oqıǵany terakti dep atady.

Quqyqqorǵaýshylardyń málimetinshe, Aleksandr Bıssonnett  meshittegi adamdarǵa oq jaýdyrǵannan keıin,  kólikke otyryp qashyp ketken. Biraq polıseıge ózi habarlasyp, tutqyndaldy. Onyń kóliginen eki Kalashnıkov avtomaty men tapansha tabyldy.