Almatynyń Qoǵamdyq keńesi alypsatarlardyń Almatyda 28-shi Álemdik qysqy Ýnıversıada da qalaı aqsha taýyp júrgenin bildi dep jazady ratel.kz.
Sheteldikterdiń aldynda uıat boldy
Ońtústik astananyń bıligi qala turǵyndaryn qonaqtar kelgenshe kólikterdi jýýǵa májbúrlep jatqanda, keıbir pysyq jergilikti turǵyndar jyldyń eń iri sporttyq sharalarynyń birinde jaqsy jumys isteıtin júıe quryp úlgerdi.
Ýnıversıadanyń bastalǵany keshe ǵana, al bılet satylymynda másele týyndap úlgerdi. Kasada bılet joq.
Almatynyń Qoǵamdyq keńesiniń ókili Anna Danılına AQSH-Kanada hokeı machynda adamdar bılettiń joqtyǵynan syrtta kire almaı turǵan ýaqytynda, oryndardyń 10% bos bolǵanyn aıtady.
Hokeı tańdaýly adamdar úshin
Shyn mánisinde bıletterdi kóshede satqan. Anna Danılına alypsatarlarmen bolǵan dıalogty beınekameraǵa túsirip úlgerdi.
Bılet satyp jatyrsyńdar ma? Taǵy bılet bar ma? Qanshadan?
8 myń teńgeden
Nege sonsha qymbat? Kasada eń qymbaty 5 myń ǵoı.
Burynnan bılet joq.
Olardyń jalǵyz emes, toppen jumys isteıtini anyq. Olar telefon arqyly bireýmen únemi baılanysta boldy.
20 mınýt kúte turyńyz. Qazir olar túsedi
Olar degeniń kimder?
Alypsatarlar...Qazir 7:30 olar bes myńnan da bere bastaıdy. Hokeı bastalmasa tipti eki myńnan satady.
Ózi shyǵynǵa batsada ma?
Olar bıletterdi 700-den aldy.
Saıtta qatarǵa baılanysty baǵa 500 teńgeden 50 myńǵa deıin dep kórsetilgen ǵoı.
Olar artqy oryndardy 700-den satyp alyp, 8 myńnan satyp jatyr.
Kóp emes pe?
Bul onnyń biri ǵana. Ekiden de beresiń....
Al halyq bıletterdi satyp ala almaı otyr. Kasada bıletter múlde joq.
Kasada bılettiń bitkenine eki apta ótti.
Belsendiler bastapqy baǵasy 500 teńge bolǵan bıletti 6 myńǵa satyp alyp úlgerdi.
Anna Danılına, Qoǵamdyq keńestiń tóraǵasy Rahman Alshanovtyń bastamasymen bıletter satylymy qalaı bolyp jatqanyn bilý úshin machqa kelgenderin aıtady.
«Kúndizgi sport sharalaryna bıletti kasalardan tabýǵa bolady. Al búgingi Qazaqstan-SHvesıa machyna resmı satylymdaǵy oryndarda bıletter joq. Kóptegen sheteldikter Almatyǵa bılet satyp alyp, sportshylardyń ónerin tamashalaý úshin keldi. Machty kórgisi keletin qazaqstandyqtardy aıtpaǵanda. Alaıda ne bolyp jatqanyn qarańyz. Biz bul máselemen zańdy túrde aınalysýy úshin, resmı hat daıyndap jatyrmyz».
Annanyń sózinshe alypsatarlar olımpıadanyń jabylýy saltanatyna bıletterdi 50 myńnan satyp jatyr. Al kasada onyń baǵasy 13 myń teńge bolǵan.
Almaty polısıasy Ýnıversıada-2017 bıletterin Ortalyq stadıonnyń janynda jáne «Halyq Arena» kompleksinde satyp júrgen alypsatarlardy ustady. Olardan 80 jáne 42 bılet tárkilendi. Ustalǵandar polısıa bólimshesine jetkizildi.
Almaty qalasynyń ishki ister Departamenti alypsatarlardy kórgen jaǵdaıda - 254-40-07; 263-36-36 jáne 263-38-38 senim telefondaryna qońyraý shalýdy suraıdy.
