Qyzdy qaǵyp alǵan Ekaterınbýrg turǵyny ózin erlik istedim den sanamaıdy jáne eshqandaı marapattaý kútpeıdi.

58 jastaǵy turǵyn Aleksandr Prodovıkov segizinshi qabattan qulap ketken tórt jasar qyz Varány qalaı qutqaryp alǵanyn aıtyp berdi. Aleksandrdyń sózinshe, ol aýlada serýendep júrip, kishkentaı qyzdyń aıqaılaǵan daýsyn estıdi.

– Qarasam, ol balkonnyń gúl qoıatyn tutqasynan ustap, aıqaılap tur, – dedi Aleksandr. – Kórshi úıden eki jigit ketip bara jatty, men olardy shaqyrtyp, balkonnyń astyna tura qaldyq.

Sońynda shydaı almaı qolyn jiberip qalyp edi, qyz tómen qaraı ushyp tústi.

– Men oń qolymmen ony qaǵyp alyp, keýdemmen jerge qaraı domalaı tústim. Oń qolymnyń barlyq saýsaqtaryn syndyryp aldym, endi gıpste júrmin.

Kelip jetken dárigerler qyzdy dereý aýrýhanaǵa jetkizdi.

– Balanyń oń ıyǵy synǵan, bel bulshyq etteri men bas súıegine zaqym kelgen, ómirine qaýip tónip turǵan joq, birneshe kúnnen keıin ony úıine jiberemiz, – deıdi hırýrgıa boıynsha bas dárigerdiń orynbasary Igor Ogarkov.

– Men qarapaıym adammyn, 58 jastamyn, ne isteý kerek bolsa, sony ǵana istedim, – dedi jaı ǵana Aleksandr Prodovıkov.