Úndistan álemdegi eń ádemi elderdiń biri bolyp sanalady. Atalmysh eldiń dástúrin, mádenıetin, tarıhyn álem bilse de áli kúnge deıin syry ashylmaǵan tustary bar. Qamshy.kz Úndistan týraly qyzyqty derekterdi nazarlaryńyzǵa usynady. 

Úndistanda 1000-nan asa tilde sóıleıdi

Shaı men fılmderimen tanylǵan elde 1000-nan asa tilden bólek dıalektileri de kóp. Saıahatshyǵa olardy túsiný úshin sózdik kómektespeıdi. Dıalektiler bir-birine múlde uqsamaıdy.

Úndistanda ólim deńgeıi óte joǵary

Úndistandaǵy adamdar kóbine jol apatynda kóz jumady. Úndistandaǵy jol kólik qozǵalysy óte qaýipti. Ásirese qalalarda. Kólikter, motosıkl, janýarlar men velosıpedtiń arasynan ótý úshin talant kerek dersiń. Adamdar kólik apatynda, avtobýstardaǵy adamnyń kóptiginen tunshyǵyp kóz jumyp jatady. Bilikti dárigerlerdiń joqtyǵynan júkti áıelder men sábılerdiń ólimi de kóp. Sonymen qatar, atalǵan elde áli kúnge deıin jaryna adal bolmaǵan áıelderdi óltiredi.

Úılerdiń 53% sý qubyry men káriz júıesi júrgizilmegen.

Úndistandaǵy quldyq

Ókinishke oraı, Úndistanda áli kúnge deıin quldar bar. Quldardyń sany 14 mıllıon adamǵa jetedi. Uzaq ýaqyt boıy bılik atalǵan máselege kóz jumyp keldi. Jiti oılastyrylmaǵan zań men jemqorlyq jaılaǵan bıliktiń arqasynda atalmysh máseleden aryla almaı keledi. Quldardyń kóbi kedeı, jumyssyz áıelder men balalar. Olardy jezókshelikpen jáne aýyr jumys isteýge májbúrleıdi.  

Úndistanda adamnyń qaıtys bolǵan kúnin toılaıdy

Úndistanda keńinen taralǵan ındýızm dástúrine saı, adamnyń qaıtys bolǵan kúnin týystary toılaıdy. 12 kún boıy ishimdik ishýge jáne et jeýge bolmaıdy. Otbasy men týystary qabirdegi ómiri jaqsy bolsyn dep tilep, toılaıdy eken.

  
Marıhýana qosylǵan sút kokteıli

Úndistanda ejelgi zamanda marıhýanany ártúrli jaǵdaıda qoldanǵan. Qazir marıhýanany qoldanýǵa zań túrinde ruqsat etilgen. Desek te, din jáne dástúrge qatysty shekteýler bar.
Úndistanda marıhýanany sútke, tamaqqa qosady. Sonymen qatar, ony túrli aýrýlardy emdeý úshin paıdalanady.