Microsoft korporasıasy 1 sáýirden bastap Ronald Bınkofskıdiń Qazaqstandaǵy Microsoft bas dırektory, sondaı-aq, TMD-daǵy óńirlik keńseniń basshysy bolyp taǵaıyndalatyny jóninde habarlaıdy. Ronald sońǵy bir jyl boıy osy laýazymdy atqaryp kelgen Konstantın Nazarovtyń ornyna kelmek.
Ronald Qazaqstan, Armenıa, Belarýs, Mońǵolıa, Qyrǵyzstan, Túrkimenstan, Tájikstan jáne Ózbekstan sekildi 9 el kiretin TMD aımaǵyndaǵy bıznesti damytýǵa jaýap beretin bolady.
Osy laýazymǵa deıin Ronald 4 jyl boıy Polshadaǵy Microsoft keńsesin, al onyń aldynda 2,5 jyl boıy Rýmynıadaǵy keńseni basqaryp kelgen.
«Búgingi jáne keleshektegi damý áleýeti zor osy aımaqtyń, eldiń bir bólshegine aınalyp otyrǵanyma asa qýanyshtymyn. Búkil bıznes salalary men jalpy ómirdiń sandyq ózgeristerge ushyraǵan dáýirinde biz klıentterimiz ben seriktesterimizge adal qyzmet etip, olarǵa tehnologıalardy endirip, damýǵa kómektesýdi komandammen birge jalǵastyrmaqpyz», - dep atap ótti Ronald myrza.
Ronald Microsoft-ta 10 jyldan astam ýaqyttan beri eńbek etip keledi, osy ýaqyt ishinde bıznesti basqarý, satylym, marketıń, operasıalyq basqarý jáne ózgeristerdi basqarý isinde keń tájirıbe jınaqtap úlgergen. Ol Software AG kompanıasynda Ortalyq jáne Shyǵys Eýropadaǵy aımaqtyq menedjer bolyp mansabyn bastaǵan, osyǵan deıin óz bıznesin basqaryp kelgen.
Ronald Polshanyń Krakov qalasyndaǵy Iagelon ýnıversıtetinde qoldanbaly matematıka fakúltetin, sondaı-aq, INSEAD bıznes mektebinde Advanced Management baǵdarlamasyn támamdaǵan. Sondaı-aq, ol Germanıanyń Maındaǵy Frankfýrt qalasynda Gete atyndaǵy ýnıversıtette orys tilin oqyǵan.
Microsoft korporasıasy týraly
Microsoft Qazaqstan
1975 jyly negizi qalanǵan Microsoft korporasıasy baǵdarlamalyq jabdyqtamany óndirý, sondaı-aq, adamdarǵa óz áleýetin júzege asyrýǵa kómektesetin qyzmetter men sheshimderdi usyný salasyndaǵy álemdik kóshbasshy bolyp tabylady.
Microsoft korporasıasy búkil álemdegi korporatıvtik jáne jeke qoldanýshylarǵa óz jumysy men úıinde jańa múmkindikterge qol jetkizýge jaǵdaı jasaıtyn qurylǵylar men qyzmetterdiń keń túrlerin ázirlep shyǵarady. Korporasıanyń shyǵaratyn qurylǵylary men qyzmetteri arasynda ústeldik jáne jelilik operasıalyq júıeler, klıent-serverlik ortalarǵa arnalǵan serverlik qosymshalar, qoldanýshylarǵa arnalǵan ústeldik bıznes jáne keńse qosymshalary, ınteraktıvtik baǵdarlamalar men oıyndar, ınternet jelisinde jumys jasaýǵa arnalǵan qurylǵylar men baǵdarlama jasap shyǵarýǵa arnalǵan quraldar bar. Sondaı-aq, Microsoft ınteraktıvtik (online) qyzmetterdi usynýmen, kompúter taqyrybymen baılanysty kitaptardy shyǵarýmen, kompúterlerge arnalǵan perıferıalyq jabdyqty óndirýmen, zertteý qyzmetimen jáne jańa kompúterlik tehnologıalardy jasap shyǵarýymen aınalysady. Microsoft álemniń 190-nan asa elinde qyzmet júrgizýde. Microsoft ónimderi 45-ten asa tilge aýdarylǵan jáne de derbes kompúterlerdiń kópshiligimen úılese jumys jasaı alady.
