33 jastaǵy Qaraǵandy turǵyny óz anasyn óltirip, sodan keıin besinshi qabattan sekirip qaza boldy, dep habarlady Baq.kz agenttiginiń Qaraǵandydaǵy tilshisi.
Oqıǵa 8 naýryz merekesi kúni bolǵan. Áıel adamnyń shyńǵyrǵan daýsyn estigen kórshileri polısıaǵa habarlaǵan. Olardyń aıtýy boıynsha, quqyq qorǵaý qyzmetkerleri oqıǵa ornyna tez jetken. Alaıda, polısıa qyzmetkerlerine eshkim esik ashpaǵan. Sol ýaqytta anasyn óltirgen jigit balkonnan sekirip ketken.
Qaraǵandy oblystyq densaýlyq saqtaý basqarmasynyń habarlaýynsha, er adam aýrýhanaǵa jetkizilgenge deıin qaıtys bolǵan.
«Onda joǵarydan qulaǵan adamǵa tán jaraqattar boldy. Aýrýhanaǵa apara jatqan jolda er adam kóz jumdy», - dedi Qaraǵandy oblystyq densaýlyq saqtaý basqarmasynyń baspasóz hatshysy Aıjan Isa.
«Adam óltirý faktisi boıynsha sotqa deıingi tergeý isi júrgizilip jatyr, birqatar saraptama taǵaıyndaldy QR 99-baby «Adam óltirý» boıynsha qylmystyq is qozǵaldy», - deıdi Qaraǵandy oblysy İİD baspasóz hatshysy Baqytjan Qudıarov.
