Buryn bizdiń aýylda bir kisi turǵan. Kórshi turǵan joqpyz. Bizdiń úıge jaqyndaý jerde turatyn. Úı-ishimizben jaqyn aralasyp turdyq. 4 qyz, bir uly bar edi. Uly bıyl 43-ke keldi. 40-qa kelgenshe úılenbedi. Aýyratyn. Áskerden basynan soqqy alǵan deıtin. Úıinen shyqpaıtyn edi. Toılarǵa barǵanyn kórmedim. Jaqyndaýǵa qorqatynmyn aýyrady degesin. Biraq qatty aýyrǵanyn kórmedim, sharýasyn istep jan balasymen sóılese qoımaıtyn. 15 jyldaı buryn Arqalyqqa kóship ketti.
Qyzdary turmysqa shyǵyp, uly úılenbeı qaldy. Jalǵyz ulynyń úılenbeýi kimge ońaı deısiń, biraq sabyrly kisiler edi.
Keshe sol ulyn aıaldamadan kórip qaldym, qasynda kelinshegi bar eken.
Z avtobýsy ótip ketse de meni kórip qap biraz áńgime aıtyp turdy. Telebizirden kórdim ótkende deıdi.
4-5 jyl buryn úılenipti, 2 balam bar deıdi. Úılendim degenine qatty qýandym. Kelinshegi keremet jaqsy adam eken, aýyldyń qarapaıym qyzy, ata-enesin, kúıeýin alaqanǵa salyp otyr eken. Ózi eden jýyp jumys isteıdi, ata-enesiniń, kúıeýiniń pensıasy bar, bireýden ilgeri, bireýden keıin bolyp, áp-ádemi otbasy bolyp ómir súrip jatyr eken.
Qudaıdyń sondaı kelin kezdestirgenin aıtsańshy.
Túri emes jany sulý áıel ekeni birden kórindi.
Sabyr etse, Qudaı qıyndyqtyń artynan baq beretin sıaqty.
Qazaqtyń bir azamaty baqytty bolǵanyna shyn qýandym. Úılenbeı ótetin shyǵar dep oılap edim.
Qazir qyryqqa kelip óz teńin taba almaı júrgender bar. Zaman kináli me, adam kináli me bilmedim.
Qyzdar qarapaıym bolyp, erkek esti bolsa eken deısiń.
Sol kelinshek karera qýǵan myńdaǵan qyzdan artyq. Erkektiń dúnıesine de, bilimine de, azdap aýyratyndyǵyna da qaramaı eteginen ustaǵanyna basyńdy ıesiń.
Sondaı kelinder bárimizge de buıyrsyn.

Dáýlet Serikbaı