Men áıelder men otbasy jónindegi Mınıstrlikti qurýdy usynamyn
«Sábıdiń ómirin saqtap qala almadyq. Qatty álsiregen bala aýrýhanaǵa jetkizilgen ýaqyttan birneshe saǵat ótkennen keıin kóz jumdy...»
Osyndaı habardy oqyǵanda júregim qanjylaıdy! Kezekti kókek ana óz balasyn óltirdi! Endi qansha shydamaqpyz? Mine men bir jyl boıy tastandy balalar, qoǵamdaǵy moraldyq jáne adamdyq qasıetterdiń tómendeýi, bala tárbıesi sekildi máselelerge kóńil aýdartýǵa tyrysyp kelemin.
Oılap qarańyzdarshy, jańa týylǵan sábıdi kóbine qaıda tastaıdy? Qoqysqa! Bul aqylǵa syımaıdy! Balaǵa qoqys sekildi qaraıdy.
Atalmysh máseleni qozǵaǵanda qoǵam belsendileri tek narazylyǵyn bildirip qana qoıady. Al ult densaýlyǵyna, jastar men balalardyń mádenı, rýhanı tárbıesine jaýap beretin Memlekettik organdar qaıda? Olar nelikten únsiz otyr? Atalmysh máselege beı-jaı qaraǵandyq pa, álde ýshyqqan máseleniń tynyshtanýyn kútip júr me? Biraq bizdiń sheneýnikter esep bergende jasaǵan jumystaryn maqtana aıtady.
Keıbir bılik ókilderiniń barlyǵyna áıel men balany kináláıtyn, memleket pen úkimettiń onda eshqandaı qatysy joq dep esepteıtinder meni tań qaldyrady.
Atalmysh máselege jaýapty memlekettik organdardyń únsizdiginen sharshaǵandyqtan, men Sadyrbaev Álıa Bolatbekqyzy QR Premer-mınıstri B.A.Saǵyntaevqa ótinish aıtamyn.
Qurmetti Baqytjan Ábdiruly!
Memleket úshin Qazaqstan azamaty ómiriniń eshqandaı máni joq pa? Sábı ólimi men onyń ómirine qaýip tóndirý, áıel men balalarǵa zorlyq kórsetý jáne pedofılıa keń etek jaıyp kele jatqan qoǵam týraly ne aıtýǵa bolady?
Ókinishke oraı, kúrdeli máseleler ádette túsinýge ońaı durys emes sheshimder qabyldaýǵa alyp keledi. Aýrý talshyqtary aǵzaǵa túskennen keıin, onyń shyǵý saldarymen emes, aýrýmen kúresý kerek. Jańa týylǵan sharananyń krımınaldy ólimi - qoǵamnyń tereńnen oılaı almaýy, dúnıtanymynyń qysqalyǵy men aýyr dertin sıpattaıdy.
Baqytsyz áıelder men balalardyń máselesimen kim, qashan, qalaı sheshetinin bilmeımiz. Bala – eldiń bolashaǵy ekenin aıtpaı-aq qoıaıyn. Olarǵa degen qandaı qarym-qatynas bolsa, bolashaǵymyz da sondaı bolmaq!
Baqytjan Ábdiruly, qoǵam qaıratkeri, Qazaqstannyń keleshegi, ult bolashaǵyna alańdaıtyn adam retinde, áıelder men otbasy isteri jónindegi Mınıstrlikti qurýdy usynamyn. Dál osy organ áıel men balany qorǵaý, bala men jastardyń rýhanı tárbıesine jaýap berýi kerek.
Sizdiń osy iske aralasýyńyz arqyly atalǵan máseleler óz sheshimin tabady dep úmittenemin!
Álıa Sadyrbaevanyń jeke blogynan alyndy
