«Singer 2017» baıqaýynyń segizinshi kezeńinde óner kórseter aldynda Dımash Qudaıbergen tamaǵy qatty aýyryp, dárigerler kómegine júgingen.
Sina weibo áleýmettik jelisinde Dımashtyń dárigerge kóringen vıdeosy jarıalandy. Odan Dımashtyń óner kórsetýden bir kún buryn salqyn tıip, daýysy shyqpaı qalǵanyn baıqaýǵa bolady. Ózi Dımashtyń jankúıeri bolyp tabylatynyn aıtqan dáriger, oǵan tolyq jazylǵanǵa deıin joǵary daýysta án salmaýǵa keńes berdi.
Qazaqstandyq ánshi baıqaýdyń segizinshi kezeńine tamaǵyna aýyrsynýdy basatyn dári egip, sahnaǵa shyqqanyn budan buryn habarlaǵan bolatynbyz. Al jobaǵa qatysýshy ánshiler Dımashqa qoldaý kórsetip, syrqatqa qarsy qymbat dáriler ákelip bergen.
Eske sala keteıik, Dımash qytaısha «Tań atty» ánin shyrqaǵan segizinshi kezeń efırden 11 naýryz kúni kórsetildi. Otandasymyz toǵyzynshy kezeńde álemdik hıt «All by Myself» ánin aıtyp, ekinshi orynnan kórindi. Bul kezeń qytaılyq telearnalardan 18 naýryz kúni kórsetiletin bolady.
