1950-shy jyldary bir top úndi áıelderiniń sol kezdegi premer-mınıstr Jaýaharlal Nerýge hat jazǵany bar edi. Jastardyń jynystyq ómiri erte bastalmaýy úshin kınodaǵy súıisti kórsetpese eken degen... Bul sebepten de emes shyǵar, biraq 30-40 jyldaı Bollıvýd óniminen súıisti kóre almaǵanymyz ras. Qazir súıisten súıis ol jaqta da. Árıne, bul sebepten de emes shyǵar, biraq ultshyl partıalary osy eldegi áıel zorlaý faktileriniń tym kóbeıip ketkenin ekrandaǵy aktrısalardyń tym kóp sheshinýimen baılanystyryp, biraz málimdeme jasaǵan. Baılanys joq ta shyǵar, bar da shyǵar, kim bilsin.
Sodan úndi akterlary arasynan erekshe unatatynym Sharýh Han edi, bilesizder. Ekrandaǵy obrazdary ǵana emes, ómirdegi prınsıpteri unaıtyn. Mysaly, ol karerasy bastalǵannan-aq eshqashan ekranda súıispeımin dep ýáde bergen-di. Oǵan 20 jyldaı berik boldy da, Iash Chopranyń sońǵy fılminde buzdy-aı kelip. Katrına Kaıfpen súıisti. Al bıyl shyqqan Raees fılminde 54 pornofılmge túsken sheteldik eks-pornoaktrısamen birge án aıtyp, pyrtyldatyp júr. Sonshama ataq-dańqymen keshe ǵana árkimniń astynda jatyp-ústinde otyrǵan jezókshemen oınaǵany júrek aınytady. Prınsıpinen taıdy - qurmetińnen de ketedi eken.
Bunyń bári "Baıan Esentaeva on alty jastaǵy qyzdy belgili aktermen súıistirip qoıdy" degen jańalyqty kózim shalǵan soń, oıyma keldi. Sol kózi jáýdiregen Táýekel Músilim, kámeletke tolmaǵan qyz, Baıan baıaǵy. Iá, árkimniń "bul óner", "bul jumys" degen syltaýy daıyn tur, biraq saldaryn bilmegen soń, túbi segizaıaqtyń silekeı-shyryshty asqazanyna qol salǵandaı neprıatnyı dúnıe ǵoı... Saıasat Nurbek aǵamnyń Italıanyń burynǵy úkimetbasysy Sılvıo Berlýskonıdy unatpaıtyny bar edi osy. Nege dep suraǵanymda, ol 20-30 jyl boıy qolyndaǵy komersıalyq televıdenıe arqyly otbasyǵa berik, Qudaıyna jaqyn degen ıtalıalyqtardy varete-shoý men yrbaqaı komedıalar arqyly mal qyldy dep edi. Mal degende bylaı, meniń sózim ǵoı, azǵyrdy dep túsinińiz. Qudaı aqyryn bersin..
Buryn «Er adam bir áıel adamǵa baryp, kóshede zına jasaýdy usynatyn kún týmaıynsha, bul úmmet qurydymǵa ketpeıdi. Sol kezde olardyń ishindegi eń jaqsylary: «Tym bolmasa, keregeniń artyna jasyrynbaısyńdar ma?»,- dep aıtatyndary bolady» degen hadısti bilgende, bul múmkin emesteı kórinetin. Buryn degenim, segizinshi synypta qatar oqyǵan aýyl medresesin aıtamyn. Qazir osy hadıs qaıta barynsha jumsaq aıtylǵandaı kórinedi...
Órken Kenjebek
