«Qazaqstan» telearnasynda ómirdiń synyna ushyrap, basqa túsken qıyndyqtarmen arpalysyp júrgen adamdardyń taǵdyry talqyǵa salynatyn ataqty «Aıtýǵa ońaı» baǵdarlamasy bárimizge málim. Birneshe taǵdyrlarǵa qoldaý kórsetip, qol ushyn sozatyn baǵdarlama bul joly Máskeýde kúńdikte bolǵan qyzdar jaıynda sóz qozǵady.

«Qamshy» aqparattyq agenttigi jumys isteımin dep aldanǵan qazaq qyzdarynyń qıyn taǵdyry jaıynda derekterdi oqyrman nazaryna usynady.

Otbasy qundylyǵyn jaqsy túsinetin Aıdana - OQO turǵyny. Ata-anasyna jeńildik bolsyn degen nıetpen jumys izdeıdi. Bolashaq qojaıynyynyń qyzy alǵashynda bala kútýshi izdegenin aıtyp jumysqa ornalasyrady. «Eki-úsh aı isteseń, aılyǵyńdy da alasyń, tegin tamaqtanasyń» degenge aldanǵan qyz birden kelise ketedi.

Aıta keterligi, jumys usynǵandar ózimizdiń qazaqtar bolǵan eken. Sol sebepti de qyzǵa anasy ruqsat etken. Sóıtip, Aıdana Máskeýge kelgen kúni-aq kıimderin, qujattaryn, telefonyn alyp qoıǵan eken.

«Eń bolmaǵanda anama aman-esen jetkenimdi aıtaıyn desem, sóılesýge ruqsat bermedi. Maǵan jumaqqa kelgen joqsyń, jumys isteýge keldiń dep dórekilik tanytty. Sol kúni bir kesege araqty toltyryp quıyp berip, zorlap ishkizdi. Bir qorap temekini aldyma tizip qoıyp osyny bitirmegenshe turma dep qınady. Ol kezde men áli 17-demin. Ondaı jaman ádetterden aýlaq edim», dep ótkenin ókine otyryp esine túsirdi Aıdana. Úńilip qaraǵan adamǵa Aıdananyń denesinde Máskeýden qalǵan estelikter kóp.

Dúken ıeleri qyzdardy ábden azaptaǵan. Táninen qan shyqpaıynsha tynyshtalmaǵan. Birde ózge qyzdyń qashyp shyǵýyna kómektespek bolǵan Aıdanany dúken ıesi ystyq sýǵa kúıdirip, sodan muzdatqyshqa eki saǵatqa qaamp qoıǵan. Aıdanamen qosa dúkende 15 qyz-jigit jumys istegen.

Kelesi keıipker – Zarına Áshirova. Ol 16 jasynda Máskeýge barǵan eken. Bul qyzdyń da Máskeýge barýdaǵy maqsaty sol – anasyna qarjylaı kómektiskisi kelgen. Bara sala bar múlkin alyp alǵan. Zorlap araq ishkizgen. Jumys istep júrgen qyz-jigitterdi bir-birimen sóılestirmegen. Ondaılaryn baıqap qalsa, jazalaǵan.

Sondaı-aq sol dúkendegi er adamdarǵa qyzdardy ádeıi zorlatady eken.

«Ol jerde qyzdardy zorlaıdy. Óz erkiń ózińde emes. Daýys shyǵaryp aıǵaılatpaıdy. Meni Jansulýdyń (apaly-sińlilerdiń biri) ápkesiniń balasymen qosty», - deıdi Zarına.

Al, sol jerdegi jigitterdi nashaǵa otyrǵyzyp tastaıdy eken.

Zarınany anasy jýrnalıser men eriktilerdiń kómegimen 2012 jyly kúńdikten alyp shyqqan. Omen qosa 10 adam bosatyldy. Keıbir qyzdarymyz balaly bolyp kelgen. Bolǵan oqıǵany qyzdar rastap otyr. Ápke-sińlilerine ózderiniń basynan ótkergen qatelikti qaıtalamaýlaryn ótinip surady.