Búgin Qazaqstan Respýblıkasy Aýyl sharýashylyǵy mınıstrliginde 2017 jyly úıirli shegirtke tektes zıankesterge qarsy kúresti uıymdastyrý jónindegi is-sharalar daıyndyǵynyń barysy týraly brıfıń ótkizildi dep habarlaıdy "Qamshy" aqparattyq agenttigi QR ASHM Baspasóz qyzmetine silteme jasap.

Onda Qazaqstan Respýblıkasy Aýyl sharýashylyǵy mınstrligi Agroónerkisiptik keshendegi memlekettik ınspeksıa komıtetiniń tóraǵasy E.T. Aınabekov 2017 jyly úıirli shegirtke tektes zıankesterge qarsy qorǵanys is-sharalaryn ýaqytyly jáne sapaly júrgizý úshin is-sharalar daıyndyǵynyń barysy týraly habardar etti.

2017 jyly úıirli shegirtke tektes zıankesterdiń taralýy 1 570,7 myń gektar alańda boljamdalýda, onyń ishinde, ıtalıandyq prýs – 951,6 myń gektar, azıalyq shegirtke – 298,4 myń gektar, marokkalyq shegirtke – 320,7 myń gektar.

 Shegirtke tektes zıankesterge qarsy is-sharalardy júrgizý úshin respýblıkalyq búdjetten 1 538,5 mln.teńge qarajat bólindi, bul qajetti pestısıdterdi, olardy saqtaý, tasymaldaý jáne qoldaný jónindegi qyzmet kórsetýlerdi satyp alýǵa múmkindik beredi.

Búgingi kúni atalǵan qarajattardyń esebi arqyly konkýrstyq rásimder aıaqtalýda, pestısıdterdi jetkizýshiler, olardy saqtaý, tasymaldaý jáne qoldaný jónindegi qyzmet kórsetýshiler anyqtaldy.

 Jambyl jáne Ońtústik Qazaqstan oblystaryna pestısıdter jetkizildi jáne hımıalyq óńdeý jónindegi qyzmetti kórsetýshiler anyqtaldy.

            Úıirli shegirtkeler boıynsha monıtorıńtik tekserýler 38 783,0 myń gektar alańda josparlanǵan, onyń ishinde, ıtalıandyq prýs boıynsha 27 376,0 myń gektar, azıalyq shegirtke boıynsha 8 291,0 myń gektar jáne marokkalyq shegirtke boıynsha 3 115,0 myń gektar.

            2017 jyly monıtorıńtik jumystardy júrgizý úshin memlekettik mekemege 448 avtokólikti jalǵa alýǵa jáne 437 tekserýshilerdi jumyldyrýǵa qarajattar bólindi. Shtattaǵy jumyskerlerdi qosa alǵanda tekserý jumystaryna barlyǵy 1184 adam jáne 617 avtokólik qatysatyn bolady. Oǵan qosa qajet bolǵan jaǵdaıda Qazaqstannyń jol kartasy baǵdarlamasy boıynsha jumysqa ornalastyrý ortalyqtarynan qosymsha tekserýshiler tartylatyn bolady.

            Kórshiles memleketter tarapynan talap-shaǵymdardy boldyrmaý maqsatynda QHR, Reseımen, Ózbekstanmen jáne Qyrǵyzstanmen shekaralas aýmaqtarda shegirtke tektes zıankesterdi anyqtaýǵa, sondaı-aq birlesken hattamalardy jáne tekserý aktilerin toltyrý arqyly júrgizilgen óńdeýlerdiń tıimdiligin anyqtaýǵa birlesken tekserýler júrgiziletin bolady.

            Osyǵan baılanysty, Qazaqstan Respýblıkasy Aýyl sharýashylyǵy mınıstrligi Agroónerkásiptik keshendegi memlekettik ınspeksıa komıtetimen   2017 jyly úıirli shegirtke tektes zıankestermen  kúresti ýaqytyly jáne sapaly júrgizý úshin barlyq sharalar qabyldanýda.

            Búgingi kúni Ońtústik Qazaqstan oblysynda marokko shegirtkesiniń kúbirshekterine zertteýler bastaldy.