Jarty mıllıonǵa jýyq amerıkalyqtar Donald Tramptyń áıeliniń Nú-Iorkte ómir súrýine ketip jatqan qarjy kólemine baılanysty jazylǵan petısıaǵa qol qoıdy, dep jazady «Qamshy» aqparattyq agenttigi.
Change.org. saıtyna «Melaná Tramp Aq úıde qalsyn nemese óz shyǵynyn ózi tólesin» degen taqyryptaǵy petısıa jarıalanyp, búgingi kúni oǵan 515 myń adam qol oıyp úlgergen. Sebebi, birinshi ledıdiń Nú-Iorktegi Trump Tower rezıdensıasynda ómir súrýi salyq tóleýshiler úshin qymbatqa túsip jatqan kórinedi.
Mátinde kórsetilgendeı, amerıkalyq salyq tóleýshiler prezıdenttiń áıeli úshin ketip jatqan aqshanyń óte qomaqty ekenin aıtty. Mundaı shyǵyn memleket úshin oń nátıje ákelmeıdi jáne qarjy máselesinde qıyndyqtar týyndaýy múmkin.
BAQ ókilderiniń habarlaýynsha, Tramptyń otbasyn qamtamasyz etý úshin kúndelikti 127 myńnan 146 myń dollarǵa deıin qarjy jumsalady eken.
Burynyraq Melaná Tramp uly Berronmen Nú-Iorkten Aq úıge kóshpeıtinin, Trump Towerde qalatynyn aıtqan.
Aıta keteıik, 2016 jyldyń jeltoqsanynda da Nú-Iork turǵyndary Melaná Tramptyń qaladan ketýi jóninde petısıaǵa qol qoıǵan bolatyn. Sebebi, Melaná Tramptyń bar shyǵynyn qala ákimdigi moınyna alǵan.
