Qostanaı oblysynyń qylmystyq ister boıynsha mamandandyrylǵan aýdanaralyq soty 22 jastaǵy Kýdınov pen 25 jastaǵy Sarınge qatysty  QR QK 99 baby 2 bólimi boıynsha qylmystyq isti qaraıdy dep habarlaıdy «Qamshy» aqparattyq agenttigi Zakon.kz-ke silteme jasap.

İs materıaldaryna sáıkes, 2017 jyldyń 15-shi qańtarynda 23 jastaǵy Naýmov Sadchıkov aýylynan Lıkasovsk aýylyna kelip tanysynyń páterine turaqtaıdy. Kúni boıy olar spırttik ishimdik ishken. Keshkisin Sarın 16 jastaǵy qyzymen kelip, barlyǵy birge alkagoldi ishimdikke sylqyıa toıady.

Kelesi kúni Kýdın, Sarın jáne Naýmovtyń arasynda janjal týady. Kýdınov qonaǵynyń betinen birneshe márte urady. Saldarynan Naýmov qulap, esiktiń áınegin shaǵyp, ózin jaraqattap alady. Kýdın oǵan oıyndaǵy qyzdy salýdy buıyrady da ózi dúkenge ketip qalady.

Túnde úıine qaıtyp kelgende Naýmovtyń tapsyrmany oryndamaǵanyn kórip, ony azaptaıdy. Qonaǵyn judyryqtap, tepkileıdi. 24 kelilik gir tasyn jerde jatqan Naýmovqa birneshe márte laqtyrady. Odan keıin pyshaq suǵyp alady. Ony qorlaǵan. Tisin julýǵa árekettengen. Oryndyqpen basyna birneshe márte uryp, nátıjesinde Naýmov qulaǵan. Sarın ony qaıta kóterip barlyq kúshimen jerge laqtyryp jibergen. Jábirlenýshi sol jerde kóz jumdy.