|
Qazaqstanda sábı ólimi kóbeıip keledi dep jazady «Qamshy» aqparattyq agenttigi caravan.kz-ke silteme jasap. Sábı ólimi jaqynda Almaty qalasynda tirkeldi. 2017 jyly 14-shi qańtarda Anna esimdi sharana 4 kúnge de jetpeı shetinep ketti. Al anasy bosanǵan ýaqytta komaǵa túsken. QR Densaýlyq saqtaý mınıstrliginiń bergen málimetine saı, aǵymdaǵy jyldyń 6-shy aqpanynda sábıdiń týystary Medısınalyq jáne farmasevtıkalyq qyzmetti baqylaý komıtetiniń Almaty oblysy boıynsha departamentine shaǵymdanǵan. Atalmysh mekeme medısınalyq kómek kórsetýdi uıymdastyrý boıynsha táýelsiz saraptama júrgizip jatyr. Sábıdiń shetinegenine 2 aı bolsa da, tekserý jumystary áli aıaqtalmaǵan. |
QR Densaýlyq saqtaý mınıstrliginen Qazaqstannyń qandaı aımaqtarynda ana men bala ólimi kóp bolatyndyǵy jáne qandaı sebeptermen kóz jumatyndyǵy týraly aqparatta kórsetilgen sandar jaǵa ustatty.
Stastıstıka
Statısıka komıtetiniń málimetinshe, 2016 jyly sábı ólimi 100 myń tiri týylǵan balalardyń 8,6 qurady. Bul kórsetkish 2015 jylmen (9,37) salystyrǵanda 8,2 % tómen.
Neontaldy ólim (sábı alǵashqy 6 kúnde qaıtys bolǵanda) 10,8 % tómendep, 100 myń tiri týylǵan sábılerdiń 3,3 qurady. Al 2015 jyly bul kórsetkish 3,7 teń bolatyn.
2017 jyly shetinep ketken sábıler tiri týylǵan balalardyń 8,7 qurady. Bul ótken jylmen salystyrǵanda 19,4 % tómen.
2016 jylǵy aqparatqa sáıkes, Qazaqstanda analar ólimi 100 myń tiri týylǵan balaǵa 12,7 qurady.
Sábı ólimi qaı aımaqtarda kóp bolady?
Sábı ólimi kóp tirkelgen aımaq – Qyzylorda, 10,2. Almaty oblysy - 10,0, SHQO - 9,7, Mańǵystaý oblysy - 9,5, Qostanaı - 9,3, OQO - 9,3, Atyraý - 8,9 jáne Jambyl oblysy - 8,8.
Bosanyp jatqan ýaqytta qansha áıel qaıtys boldy?
Ana ólimi 30,1 kórsetkishpen Atyraý oblysynda eń kóp tirkelgen. Qostanaı - 24,5, BQO - 22,8, OQO - 17,7, Qaraǵandy - 16,8, Pavlodar – 16,0, Aqtóbe – 15,1 jáne SHQO – 13,3. Respýblıkadaǵy ortasha kórsetkishten tómen kórsetkish – Jambyl oblysynda - 11,5, Aqmola oblysy – 8,7, Kyzylorda oblysy – 5,3, Mańǵystaý oblysy – 5,1, Almaty oblysy – 4,8 jáne Almaty qalasy - 9,1 jáne Astana qalasy – 7,3.
2015 jyl men 2016 jylǵy kórsetkish boıynsha Soltústik Qazaqstan oblysynda ana ólimi tirkelmegen.
Barlyǵy áıel densaýlyǵynyń tómendigine baılanysty
Ana óliminiń jıileýine densaýlyqtyń tómen kórsetkishi sebep. Olar - qan azdyq, qan aınalym júıesindegi aýrýlar, nesep-jynystyq múshe aýrýlary, endokorındik júıesi aýrýlary. Munyń barlyǵy júktilik pen bosaný kezinde qıyndyq týdyrady.
Ana ólimine sebep bolatyn aýrýlardyń paıyzdyq kórsetkishi: tynys alý – 21,2 %, qan aınalym – 15,4 %, sary aýrý jáne sırroz – 5,8 %, rak – 5,8 %.
Zamanaýı aýrýdy aldyn alý, medısınalyq tekserý jáne júktilikke deıin densaýlyqty jaqsartý 18 % ana ólimin tómendetýshi edi.
Sábı ólimi - perınataldi kezeńde - 57,3 %, týylǵannan damýynda aqaý – 23,4 %, basqa aýrýlar – 5,8 %, qaıǵyly jaǵdaı – 4,6 % quraıdy.
Balany ishti kesý arqyly alyp jatqanda Shymkent turǵyny Katerına Gýsakova komaǵa túsken. Operasıa Almaty qalasyndaǵy akýsherıa, gınekologıa jáne perınatologıa ǵylymı ortalyǵynda jasalǵan. Katerına Gýsakovanyń jaǵdaıy jaqsarmaı otyr. Onyń týysy Iýlıa Volkova Katerınanyń qyzýy túskende ony Shymkenttegi aýrýhanaǵa aýystyrǵanyn aıtady.
«Qazir ol reanımasıada. Al onyń Anna esimdi sábıiniń ólimi tekserilip jatyr ma, joq pa ony bilmeımiz» deıdi Iýlıa Volkova.
Aýdarǵan: Ásem Álmuhanbet
