Esterińizge sala keteıik, jaqynda ǵana búkil jurtshylyqtyń jaǵasyn ustatqan qylmysty jasaǵan qanypezer ustalyndy. Ol qonaqqa kelgen baldyzyn zorlap, keıin óltirgen jezde bolyp shyqty. Bárine araq kináli degen qylmyskerdiń óz-ózin ustaýyna, bárin tizbektep aıtyp bergenine tań qalmaý múmkin emes. «Qalaı bolǵanyn bilmeı qaldym» degen qylmysker qylmysty sanaly túrde josparlaǵany ony qylmysty jasyrǵysy kelgeninen aq túsinikti.
Qonaqqa baramyn de qınalyp ólgen qyzdyń oqıǵasyna beıjaı qalmaǵan Aıgúl Bolathan óziniń feısbýk paraqshasynda mynandaı jazba qaldyrypty.
«Álgi aıýannyń balalaryn syrtqa shyǵaryp jiberýge mıy jetti, jasaryn jasap bitken soń kózin joıýdy da bildi, óıtkeni qorlanǵan jasóspirim qyz únsiz qalmaıtynyn eskertken, máıitti jasyrýdy da umytqan joq, ol úshin balkonnan palasty (álde kilem) kirgizdi, ony orady, eki jaǵynan skochpen baılady, sosyn dıvannyń astyna tyqty! Osynyń bárine "aqyly" jetken esektiń 17-aq jastaǵy týysyna, jelkildep ósip kele jatqan boıjetken baldyzyna erkektigin, anyǵy esek (nemese sasyq teke) ekenin kórsetýdiń qajeti joǵyn bilmedi me? Esin jıǵanda ne "búldirgenin" bilipti, qorqypty! Al balalaryn syrtqa shyǵaryp jiberý, zorlaý, palasty kirgizý, máıitti oraý, skochtaý, dıvan astyna jasyrý kezindegi esi she, esepke alynbaı ma? Kúnásin moıyndaǵany bylaı tursyn, sony qalaı shimrikpeı aıtyp otyr? Endi osyndaı qylmyskerdi bizdiń "gýmannyı" sot ne isteıdi? Alla bergen jandy qudaıdyń enshisine qaldyrdy, jaratqan ıem ǵana janyn úzýge tıis. Biraq bul aıýan ázireıil bolyp ana qyzdyń janyn aldy ǵoı! Óziniń balalaryn ana jaq jek kórip ketken bolar endigi, túk jazyǵy bolmasa da, óıtkeni boılarynda myna aıýannyń qany bar... Endi qazaq qyzy jezdesin jek kórip ósse tańǵalmaý kerek. Endi qazaq áıeli týysyna senbeı tursa kinálamaǵan jón... Qazaq týystyq senimnen aıyryldy.
...Osynyń bir-aq sebebi bar. Ol -ulttyq tárbıeden alshaqtaýymyz. Qaıtalap aıtam, bu jerge dindi tyqpalamańdar! Meshiti joq, moldasy az, araǵy sý tegin, alqashy kóp kezde mundaı zulymdyq aýa jaıylmaǵan. Moldany "tanymaıtyn", meshitke "barmaıtyn" jylqy malynyń AIǴYRY ÓZ ÚIİRİNE SHAPPAIDY!!! ÓTİNEM, ıman jaıly aıtyp, dindi tyqpalamańdar!
Al álgi aıýandy aıdaladaǵy meniń janyma úreı "syılap", júregimdi muzdatqany úshin ǵana úsh mezgil tamaq berip, túrmede asyraýǵa men qarsymyn!»
