Almaty metrosynyń júrginshileri eskalotarmen júrý erejesin buzyp, túrli deńgeıdegi jaraqat alyp jatady dep habarlaıdy «Qamshy» aqparattyq agenttigi patrul.kz silteme jasap.  

Metro qyzmetkerleriniń aıtýynsha, eskalatorda kóbine balalar ata-analardyń nemquraılyǵyny baılanysty japa shegip jatady.

Ekinshi orynda eskalatormen júrý erejesin buzatyn jastar.

Tómendegi vıdeoda áıeldiń balalarmen eskalotordan túsip kele jatqanyn kórýge bolady. Ol eń kishkentaı balany eskalator baspaldaǵyna otyrǵyzyp, ol saýsaǵyn eskalatorǵa salyp jaraqattanady.

Ekinshi vıdeoda úsh qyz eskalatordyń baǵytyna qarsy júrip, biri qulap túsedi. Keıde jastar nátıjesin oılamaı «Stop» túımesin basady. Eskalator birden toqtap qalǵanda ondaǵy adamdar qulap qalýy múmkin.

«Biz barlyq júrginshilerdi metronyń qaýipsizdik erejelerin saqtaýdy ótinip suraımyz. Ásirese eskalatorda. Úlkenderdiń nemquraılyǵynan balalar túrli jaraqat alady. Eskalatorda tutqadan ustap turý kerek. Eskalator baspaldaǵyna otyrýǵa bolmaıdy. Júgińizdi baspaldaqqa qoımańyz» dep eskertedi elektromehanıkalyq quraldar qyzmetiniń basshysy Qanybek Kerimbekov. 

, ,