Aqordada Qazaqstan Respýblıkasynyń Memlekettik hatshysy Gúlshara Ábdiqalyqova Masdar ǵylym jáne tehnologıalar ınstıtýtynyń (BAÁ) rektory Behjat ál-Úsýf hanymmen kezdesti dep habarlaıdy "Qamshy" aqparattyq agenttigi.
Kezdesý barysynda Memlekettik hatshy G. Ábdiqalyqova Qazaqstan Birikken Arab Ámirlikterin Taıaý Shyǵystaǵy óziniń jetekshi seriktesi retinde qarastyratynyn jáne ózara qarym-qatynasty damytýǵa basym mán beretinin atap ótti.
Memlekettik hatshy 2017 jyldyń qazan aıynda eki el arasyndaǵy dıplomatıalyq qatynastardyń ornaǵanyna 25 jyl tolatynyn aıtty. Osy kezeń ishinde birlesip atqarǵan jumystyń orasan zor tájirıbesi jınaqtalyp, ártúrli salalarda tabystarǵa qol jetkizildi.
Sondaı-aq, kezdesý barysynda taraptar QR men BAÁ arasynda ǵylymı jáne bilim berý yntymaqtastyqty keńeıtý, onyń ishinde: birlesken konferensıalar, trenıńter, semınarlar - Arab óńirindegi áıelder isteri jáne tehnologıalar ortalyǵymen (CWTAR) birge is-sharalar uıymdastyrý máselelerin talqylady.
Qazaqstan BAÁ-niń jańartylatyn qýat kózderi boıynsha saıasatyna nıettestik bildiredi jáne tolyq qoldaıdy. Ámirlikterdiń «taza» energıany ilgeriletý arqyly ekonomıkalyq damýǵa yqpal etý tájirıbesi oń úlgi bolady. Qazaqstan taıaýdaǵy onjyldyqta óziniń ındýstrıaldyq saıasatynyń basty quramdasy sanalyp otyrǵan «jasyl» ekonomıkany engizýdiń belsendi jaqtaýshysy bolyp tabylady.
Memlekettik hatshy «EKSPO-2017» halyqaralyq mamandandyrylǵan kórme sheńberinde aǵymdaǵy jyldyń 31 tamyz - 1 qyrkúıek aralyǵynda «Áıelder bolashaq energıasyn qoldaıdy» halyqaralyq forýmy ótkiziletini týraly habarlady. Forýmda balamaly energetıka jáne «jasyl» ekonomıka salasyndaǵy ınovasıalyq ıdeıalardy ilgeriletýde áıelderdiń róli men úlesi talqylanady.
Gúlshara Ábdiqalyqova doktor Behjat ál-Úsýfti forýmǵa qatysýǵa shaqyrdy jáne Masdar ınstıtýtynyń joǵary tehnologıalyq bilim berý mekemeleriniń biri retinde «jasyl» tehnologıalardy ilgeriletý úshin zor úles qosatynyna senim bildirdi.
QR Memlekettik hatshysy G. Ábdiqalyqova kezdesý sońynda Abý-Dabıdiń murager hanzadasy sheıh Muhammed ben Zeıd ál-Nahaıannyń biz kórmeniń ashylý saltanatyna, BAÁ Vıse-prezıdenti, Premer-Mınıstri, Dýbaı ámirliginiń ámirshisi sheıh Muhammed bın Rashıd ál Maktýmnyń BAÁ ulttyq pavılonynyń ashylýyna qatysady dep kútip otyrmyz, - dedi.
