Sáýirdiń 6-synan 7-sine qaraǵan túni AQSH Sırıanyń Idlıb provınsıasyna jasalǵan hımıalyq shabýylǵa jaýap retinde Sırıanyń áýe bazasyn zymyranmen atqylady.

Bul jaıynda «Qamshy» aqparattyq agenttigi amerıkalyq BAQ –qa silteme jasaı otyryp habarlaıdy.

BAQ-tyń habarlaýynsha, bul shabýyldyń terorızmmen kúreske qatysy joq, Idlıb provınsıasyndaǵy beıbit turǵyndarǵa qarsy hımıalyq shabýyldy qoldanǵan Sırıany jazalaý maqsatynda oryn alǵan. Sırıanyń áýe bazasyn 60-tan astam «Tomogavk» zymyrandarymen atqylanǵan. AQSH bıliginiń aıtýyna qaraǵanda, shabýylda ushý-qoný alańdary, ushaqtar men janarmaı quıý stansıalaryn jarý kózdelgen.

Donald Tramp shabyldyń sebebin AQSH-tyń ómirlik qaýipsizdigin qamtamasyz etý maqsatynda jasalǵan dep túsindirdi.

Eske sala keteıik, 4 sáýirde Sırıanyń soltústik-batysyndaǵy Idlıb provınsıasynyń kóterilisshiler baqylaıtyn Han-SHeıhýn qalasynda hımıalyq shabýyl saldarynan qaza tapqandardyń sany 72-ge deıin jetti – onyń 20-sy balalar, al 17-si áıel adamdar

AQSH prezıdenti Donald Tramp hımıalyq shabýyldy «adamzat úshin masqara áreket» dep ataǵan. Ol shabýyl úshin Sırıa prezıdenti Bashar Asadty jaýapty dep tanyǵan.