Shyǵys Qazaqstan oblysynda polıseıler toqtatqan kóliktiń jolaýshysy quqyq qorǵaý organdarynyń qyzmetkerlerimen daýlasyp, namysqa tıý úshin kúsh qurylymydarynyń kóligine dáret syndyrǵan, - dep habarlaıdy "Qamshy" aqparattyq agenttigi Tengrinews.kz-ke silteme jasap.

Oqıǵa Borodýlıha aýdanynda bolǵan. İs materıaldary boıynsha, polıseıler aýdan ortalyǵynda kólikti toqtatqan. Júrgizýshi mas kóringen. Al kólikti toqtatqan kezde jolaýshysy da ishken bolyp shyqty. Sodan jolaýshy zańsyz toqtatty dep polıseılermen daýlasqan. Polıseıler áreketin túsindirip bolǵansha, ol quqyq qorǵaý organdarynyń kóligine baryp, olardy balaǵattaı bastaǵan. Buzaqyny polısıa bólimshesine jetkizdi. Er adam ol jerde de bylapyt sózderin toqtatqan joq jáne basyn qabyrǵaǵa urǵan. 

Sotta er adamǵa qatysty qylmystyq jáne ákimshilik aıyp taǵyldy. Zań ókilderin balaǵattaǵany úshin ol 25 AEK túrinde aıyppul tóleıdi jáne usaq buzaqylyq úshin ýaqytsha ustaý abaqtysyna 5 kúnge qamalady.