Búgin OQQ-da «Kedendik ákimshilendirýdi jetildirý» taqyryby boıynsha brıfıń ótti dep habarlaıdy "Qamshy"aqparattyq agenttigi. Spıker retinde QR Qarjy mınıstrligi Memlekettik kirister komıteti tóraǵasynyń orynbasary Amrın gosman Kárimuly sóz sóıledi.
Elimizdiń keden organdarynyń qyzmeti halyqaralyq saýdanyń turaqty damýyna qoldaý kórsetý tıis. MKK atalǵan baǵyt boıynsha tıisti jumysty atqarýda.
Búgingi tańda kedendik rásimder aıtarlyqtaı jeńildetildi, syrtqy ekonomıkalyq qyzmeti (SEQ) múshelerine, orta jáne shaǵyn bıznes ókilderine bar jaǵymdy jaǵdaılar jasaldy.
Máselen, bıznes-prosessterdi ońtaılandyrý nátıjesinde jasalatyn is-áreketterdiń sany 898-den 394-ke deıin (2,3 esege) qysqartylǵan. Jalpy kedendik rásimdeý ýaqyty 6 saǵattan 1 saǵatqa deıin qysqartylǵan.
Halyqaralyq saýdany júrgizý sharttaryn odan ári jeńildetý úshin kedendik rásimdeý men baqylaý prosesterin birtutas platforma negizinde elektrondyq formatqa aýystyrýy josparlanǵan. Búgin osy prosester ár túrli aqparattyq júıelerinde baılanyssyz qalǵan. ASIKÝDA halyqaralyq platformanyń bazasynda elektrondyq kedendik deklarasıalaýdyń tolyq sıklymen "ASTANA-1" aqparattyq júıesi qurylady (Kedendik ákimshilendirýdiń jáne salyqtyq ákimshilendirýdiń avtomattandyrylǵan júıesi), ol pılottyq rejımde elimizdiń barlyq aımaqtarynda qoldanylýda.
Taýarlarǵa elektrondy túrde beriletin deklarasıa onda jazylǵan málimetterdi rastaıtyn qujattardy usynýdy qajet etpeıtin bolady. Sonymen qatar táýekelderdi basqarý júıesi taýarlardy tekserip, táýekelderdi tappaǵan jaǵdaıda olar avtomatty túrde (memlekettik kirister organnyń laýazymdy tulǵanyń qatysýynsyz) shyǵarylatyn bolady
Bul júıe keden jáne salyq júıeler ıntegrasıasynyń birinshi qadamy retinde bolady.
Sonymen qatar MKK tóraǵa orynbasary Astana qalasynda barlyq baqylaýshy organdardy ornalysqan jańa kóliktik-logıstıkalyq ortalyq ashylǵandyǵy týraly habardar etti. Bunda syrtqy ekonomıkalyq qyzmet qatysýshy barlyq keshendi logıstıkalyq qyzmetti alady.
Dál sondaı 4 kedendik rásimdeý aımaqtary (Qazaqstannyń Soltústik, Ońtústik, Batys jáne Shyǵysynda) qysqa ýaqyt ishinde basqa iri qalalarda da paıda bolady.
Budan basqa, kóp ýaqytty qajet etetin baqylaýdyń eń aýyr túrlerin (baǵany baqylaý, taýarlardy klassıfıkasıalaý t.b.) taýarlardy shyǵarǵannan soń (postfaktým) ótkizý josparlanýda.
Tipti keıbir buryn tekserilgen jáne adal SEQ músheleri úshin barlyq baqylaýdy «postfaktým» rejımine qaldyrý josparlanyp otyr. Atalǵan rásim ákelingen taýarlardy kedendik rásimdeýsiz birden ishki aınalymǵa kirgizýdi múmkindik beredi.
Syrtqy saýda aınalymdy jedeldetýdiń sońǵy kezeńi – Kedendik jáne salyqtyq táýekelderdi basqarý júıesi (TBS). «Biz baqylaýdy josparlaý jáne ótkizýdiń negizi bolyp tabylatyn TBS-ti reformalardan ótkizdik. Nátıjesinde kedendik baqylaýdyń tıimdiligi 2 ese artty», - atap ótti G.Amrın.
Sonymen qatar TBS AJ negizinde «Vırtýaldy qoıma» modýli bar týarlardy esepteıtin jáne baqylaıtyn júıe endiriledi. Onda kedendik deklarasıı elektrondy shot-faktýramen baılanystyrylady. Bul týarlar jetkizýdiń búkil jolyn baqylaýǵa múmkindik beredi.
Nátıjesinde salyq jınalýy men salyq salý ashyqtyǵy ósip, qarajat «kóleńkiden» shyǵarylady.
