Danıal Ahmetov SHQO áleýmettik jármeńkesinde bolyp qaıtty jáne osy jármeńkege jaýapty tulǵalardy jazalaıtynyn habarlady. Aptanyń demalys kúnderi bolatyn jármeńkege ákim baǵalardy baqylaýdan ótkizý maqsatymen barǵan bolatyn.
Shaǵymdanýshy zeınetkerdiń aıtýy boıynsha kórsetilgen qaǵazda ettiń kılosy 1300 tg dep turǵanymen, etti satyp alyp jatsańyz satýshylar onyń kılosy 1500, tipti 1800 tg ekenin aıtady.
«Áleýmettik jármeńkeni halyqqa tıimdi baǵa bolýy úshin uıymdastyramyz. Halyq aıtsa, rasyn aıtady. Olarǵa ónimder kórsetilgen baǵadan qymbat baǵaǵa satylady eken. Nege aldaıdy? Shoý jasap, halyqty aldaýdyń qajeti joq. Bul úshin olar jazalanatyn bolady. Men halqymnan keshirim suraımyn, óz qaramaǵymdaǵylarmen taǵy sóılesemin. Áleýmettik qoldaý týraly elimizdiń saıasatynyń bulaı buzylyp jatýyna jol bermeýimiz kerek», - dedi oblys ákimi. Atalǵan jaǵdaıdy retteýdi aımaq ákimi óziniń orynbasary Dúısenǵazy Mýsınge tapsyrdy.
