Dımash Qudaıbergen Qytaıdyń Shenchjen qalasynda "Halyqaralyq dárejedegi tanymal ánshi" nomınasıasyn jeńip aldy. Bul týraly Dımash Qudaıbergenniń PR-dırektory ári jaqyn dosy Alpamys Sharımov habarlady.
Osy baıqaýdyń nomınasıasyn jeńip alǵannan keıin, Dımash "Umytylmas kún" ánin oryndady. "Assalaýmaǵaleıkúm qurmetti barsha óner súıer qaýym, sizderge shyn júrekten alǵysymdy bildirýge ruqsat etińizder, osynaý keremet keshtiń uıymdastyrýshylary jáne meni qoldap demeýshilik etken barsha jaqyndarym sonymen qatar ózimniń komandama shyn júrekten raqmetimdi bildirgim keledi", - dedi Dımash sahna tórinde.
Osyǵan deıin, qazaqstandyq ánshi áleýmettik jelide osy baıqaýdyń nomınanty bolǵanyn jarılaǵan edi, "Shenzhen qalasy "17th Top China Awards" - tyń resmı kileminen óttim. Búgin "Halyqaralyq dárejedegi tanymal ánshi" nomınasıasynan úmittimin! Meni qoldap kelgen barsha qurmetti jankúıerlerim, Dears, Sizderge myń raxmet!!! ", - dep jazdy Dımash Qudaıbergen Instagram jelisindegi paraqshasynda. "Súıinshi!!! Dostar!!! 17th China Music Awards sharasynda Dımash Qudaıbergen @kudaibergenov.dimash "Halyqaralyq deńgeıdegi ánshi" júldesine ıe boldy!!! Qutty bolsyn!!! Dosyyyyyyyyyyym, jeńis qutty bolsynnnnnn!!!, - dep jazdy Dımash Qudaıbergenniń PR-dırektory ári jaqyn dosy Alpamys Sharımov Instagram jelisindegi paraqshasynda.
