Túsirilim osy jyldyń qazanynda bastalyp, 2018 jyldyń jeltoqsanynda premerasy ótedi dep josparlanýda. Joba avtorlary – Álıa Nazarbaeva men Tımýr Jaqsylyqov.

Mádenıet jáne sport mınıstrliginiń tapsyrysymen Sh. Aımanov atyndaǵy Qazaqfılm «Sataıfılm» kompanıasymen birigip saqtardyń patshaıymy – uly Tomırıs jaıynda tarıhı fılmniń jumystaryna kirisip ketti.

Fılmniń sújeti bizdiń eramyzǵa deıingi VI ǵasyrdaǵy Tomırıs patshaıym basqarǵan saqtar taıpasy jaıynda órbimek. Naqtyraq aıtqanda, Tomırıs patshaıymnyń uly dalany jaýlaý maqsatynda parsy patshasy Kır İİ-ge qarsy toıtarys berip, janyn alǵany sýretteledi.

«Halyqtar arasyndaǵy joryqtardyń ishindegi eń úlkeni osy boldy» dep jazǵan tarıhtyń atasy Geradot.

«Tomırıs jaıynda fılm túsirý ıdeıasi Álıa Nazarbaevanyki. «Anaǵa aparar jol» jobasy boıynsha jumys istegennen keıin, onyń usynǵan kelesi jobasy boıynsha jumysqa úlken jaýapkershilikpen kirispekpin. Biz senarı jazý, jobanyń naqty jospary, túsirilim tobyn qalyptastyrý, tarıhı derekterdi izdený syndy daıyndyq jumystaryna kirisip kettik», deıdi atalmysh kartınanyń rejıseri Aqan Sataev.

Jaqyn arada respýblıkalyq kastıng jarıalanatyn bolady. Akterlerden talap etiletin dúnıeler: atpen shaba alý, sadaqpen atý, sondaı-aq áskerı qabileti de bolýy tıis. Túsirilim 2017 jyldyń qazan aıynda bastalady, al, 2018 jyldyń jeltoqsanynda kórermen nazaryna usynylady. Tarıhı jobanyń avtorlary – Álıa Nazarbaeva men Tımýr Jaqsylyqov.

Tomırıs jaıynda fılm halyqqa úlken qyzyǵýshylyq týdyratynyna Aqan Sataev senimdi.