DAISH terorıstik uıymynynyń quramyna kirip, qarý alyp soǵysqa attanǵan qazaqstandyqtar azamattyǵynan aıyrylady. Bul jaıynda Elbasy Nursultan Nazarbaev «MIR 24» telearnasyna bergen suhbatynda aıtty.

Sonymmen qosa, búgingi tańda DAISH quramynda 500-600-ge jýyq qazaqstandyqtardyń baryn aıtty.

«Qazaqstan zańyna sáıkes, qandaı da bir ekstremıstik uıymdarǵa kirip elden ketken azamattar qaıta orala almaıdy.  Bul qatań shara. Islam memleketinde 500-600-ge jýyq qazaqstandyqtar bar. Alaıda, biz birinshi kezekte adamdardyń mundaı teris aǵymdardyń sońyna erip ketpeýin qadaǵalaıtyn sharalardy qarastyrýymyz tıis», dedi Nursultan Nazarbaev.

Bıyl qysta Astanada ótken Sırıa kelissózderine qatysty pikir aıtqan Nazarbaev Qazaqstannyń kezdesýge oryn usynǵanyn aıtty. «İs júzinde Astana alańyna Jenevadaǵy kelissózge qatyspaǵandar, ásirese opozısıa jaǵynan qatysyp jatyr. Biz Qazaqstan qaqtyǵysýshy taraptardyń barlyǵymen birdeı qarym-qatynas ornatqan dep oıladyq, sebebi biz mundaı kelissózdi usynyp, oǵan jaǵdaı jasadyq. «Islam memleketin» jeńýge jáne terorızmmen kúreske múddeli barlyq memleketter tyǵyz jumys istemeı máseleni sheshý múmkin emes» dedi Nazarbaev.

DAISH – Qazaqstan Respýblıkasynda qatań tyıym salynǵan terorıstik uıym.