Kópshilik qyzdardyń armany bolǵan, Úndistan eliniń eń ataqty ártisteriniń biri de biregeıi Mıthýn Chakrobortı qazirgi ýaqytta  67 jasqa toldy dep habarlaıdy Qamshy aqparattyq agenttigi kyrgyztimes.kg basylymyna silteme jasap. Óziniń jasyna qaramastan akter jylyna  bir ret bolsyn kınoga túsip turady.

Belgili akter kedeı otbasynda dúnıege kelgen. 15 jasynda tártip buzǵany úshin jaýapqa tartylǵan. Kóshedegi bala myńdaǵan kórermenderdiń súıiktisi bolýy úshin kóptegen qıyndyqtardy basynan ótkergen. Basynda qosymsha rólderge ǵana qanaǵat tutyp, ártistik qabiletin shyńdaı bastaıdy. Sonymen birge buny shyǵarmashylyq ósý retinde emes, jaı ǵana aqsha tabýdyń joly retinde qarastyrypty.

Birneshe jyldardan keıin tabysqa jete almaı júrgen akter úshin Babbar Sýbhashtyń usynysy kútpegen jaǵdaı boldy. Dál sol usynys Mıthýn Chakrabortınniń ataqty juldyz bolýyna sebepker bolǵan. Prodússerdiń aıtýy boıynsha Mıthýndy basty rólge alýynyń sebebi onyń ózgelerden daralanyp bı bıleıýi. «Tansor dısko» atty kıno týyndy Mıthýn Chakrabotınniń kútpegen jerden ataǵyn shyǵardy. Sodan keıin akter 200-ge jýyq kınoǵa túsipti. Biraq kez-kelgen adamnyń ómirinde alǵashqy sátter eshqashan umytylmaıtyny tárizdi, Mıthýn Chakrabortınniń alǵashqy róli kórermenderdiń júreginde máńgi qalady.

Akter eki ret úılengen. Mıthýn Chakrobotınniń birinshi áıeli model Helena Lok bolǵan. Biraq eki jyldan keıin belgisiz túsinispeýshilikterden soń ajyrasqan. Akterdiń qazirgi áıeli ataqty aktrısa Iogıte Balı. Qazir kezde juldyzdy jubaılardyń 4 balasy bar. Ákesiniń izin jalǵaǵan uldary shyǵarmashylyq jolyn endi bastaýda. Al akter qazir jeke bıznespen aınalysyp, kınolarǵa burynǵydaı kóp túspeıdi.