Elimizdi álemge tanytyp júrgen ánshilerimizdiń biri – Qytaıda baǵyn synap júrgen Dımash Qudaıbergen. Álemniń tanymal tulǵalary Dımash arqyly qazaqtyń mádenıetimen, tilimen  tanysty. Qazaqtyń ǵana emes, álemniń ánshisine aınaldy.

Osyǵan baılanysty elimizdiń ánshileri Dımash Qudaıbergen jaıynda pikirlerin bildirdi. Budan buryn Qaırat Nurtas Dımashty óz ánin tappaǵandyqtan elde baǵalanbaǵanyn aıtqan. Bul joly Roza Rymbaeva da sóz qozǵapty. Onyń aıtýynsha, Dımash álemge tanylsa da, qazaqtyń súıikti ánshisine aınalý múmkindigi az, dep habarlaıdy "Qamshy" aqparattyq agenttigi.

Qazaqstannyń halyq ártisi «Juldyzdar otbasy» jurnalyna bergen basylymnyń «Dımash qazaq ónerin álemge tanyta ala ma» degen saýalyna bylaı dep jaýap berdi.

«Bul týraly kesip-piship boljam aıtý qıyn. Óıtkeni, bolashaqta ne bolaryn bilmeımiz. Bir anyǵy, Dımashtyń elimizde halyqtyń súıikti ánshisi atanýyna múmkindik az. Sebebi, bizdiń televızıalyq jobalardyń barlyǵy toıdyń ánshilerin ǵana nasıhattaıdy. Solardy maqtap, solardy kókke kóteredi. Joǵary deńgeıdegi shyn talanttardy kórsetetin televızıalyq jobalar joqtyń qasy. Otandyq telearnalar «Toıdýman», «Toıbazar», «Toıbastar» sekildi toıdyń baǵdarlamalarynan ary asa almaıdy. Aldymen ekranymyzdy osyndaı maǵynasyz shoýlardan tazalap, Dımash sekildi talanttylardyń ónerin dáriptep, jastarǵa úlgi etýimiz kerek».