Ońtústik Qazaqstan oblysy, Túlkibas aýdany, Turar Rysqulov aýylynda úsh ret egizdi bolǵan anaǵa «Altyn alqa» tabystaldy, dep habarlaıdy «Qamshy» aqparattyq agenttigi Ońtústik Qazaqstan oblysy ákimdiginiń málimetine súıene otyryp.

Ǵalbıat Ǵalymnyń otbasynda 8 ul-qyz ósip keledi. Onyń 30 jastan asqan jas jubaıy – úsh ret egiz perzentti dúnıege ákelgen batyr ana. Jasta bolsa batyr ana atanǵan Ulbosyn Jasymbekovany Túlkibas aýdanynyń ákimi N.Turashbekov arnaıy qabyldap, «Altyn alqa» taqty.

Jas otbasy 2012 jyly «Dıplommen aýylǵa» baǵdarlamasy boıynsha turǵyn úımen qamtylǵan. Búginde egizderdiń ata-anasy  aýdandyq emhanada  dáriger bolyp eńbek etedi.

«Altyn alqa» tós belgisin ıemdengen kópbabaly anany aýdan ákimi quttyqtaı otyryp, el demografıasynyń artýyna súbeli úles qosqany úshin alǵysyn aıtty. Sonymen qatar, ol adamzat balasynyń barlyǵyna da jaryq dúnıe syılaǵan anaǵa qurmet kórsetý-paryz ekenin aıtyp,  búginde Memlekette ana men balaǵa barynsha jaǵdaı jasap, jan-jaqty qoldaý kórsetýge den qoıǵanyn jetkizdi.

Dáriger jas otbasylardyń tuńǵysh qyzdary Arýjan 4-synypta oqysa, egiz qyzdary Qymbat pen Symbat 7 jasqa aıaq basty. Odan keıingi egizderi - Uljan men Ulpan 5 jastan asty. Al, Aqarys atty uldary 3 jasta bolsa,  2015 jyly bul batyrdyń izinen egiz inileri Bekarys pen Janarys esimdi balaqaılar dúnıege kelgen.