12 sáýir – ǵaryshkerler kúni. Osydan 56 jyl buryn adamzat balasy alǵash ret Baıqońyr ǵarysh aılaǵynan ǵaryshqa «Vostok» kemesin attandyrdy.
Ańyzǵa súıensek, Qorqyt babamyz osydan san ǵasyr buryn-aq, qazirgi Baıqońyr mekenin «jerdiń kindigi» dep atap ketken. Jyldar óte ǵalymdar «Baıqońyrda jerdiń tartylys kúshi az, ekvatorǵa jaqyn, ǵaryshqa ushyrýǵa eń qolaıly oryn» degen qorytyndy jasaǵan. Osylaısha, alǵashqy áýe keńistigine adam balasy Qazaq jerinen attanǵan.
1961 jyldyń 12 sáýiri, saǵat toǵyzdan jeti mınýt ótkende Iý. Gagarın «Vostok» kemesimen 302 km. bıiktikte Jerdi bir aınalyp shyqty da, saǵat 10-nan 55 mınýt ótkende, Saratov oblysyndaǵy Smelovka aýylyna jaqyn mańǵa qondy. Osylaısha, Iýrıı Gagarın kúlli adamzat balasynyń san myńdaǵan jyldar boıǵy arman-tilegin júzege asyrdy.
Qazaqtyń tuńǵysh ǵaryshkeri - Toqtar Ońǵarbaıuly Áýbákirovtiń júrgizgen zertteýleriniń nátıjesinde Aral ústindegi tuzdy shań boramasynyń paıda bolý prosesi, sol zıandy aerozoldardyń Qazaqstan men Reseı aımaqtaryna taralýynyń ǵaryshtyq sýretteri alyndy. Sondaı-aq, Qazaqstan aýmaǵyndaǵy atmosferany jáne jer betin zertteý, juldyzdy aspan astrofızıka baqylaý jumystary da oıdaǵydaı ótti.
Talǵat Amangeldiuly Musabaev — qazaqtyń 2-shi, al álemniń 309-shy ǵaryshkeri. Batyrymyz ashyq keńistikke Qazaqstan Respýblıkasynyń kók baıraǵyn, qasıetti Quran kitabyn jáne bir ýys qazaq topyraǵyn ala barǵan.
Halyq qaharmany Aıdyn Aqanuly Aıymbetov – qazaq tarıhyndaǵy úshinshi ǵaryshker,ǵaryshqa Qazaqstan Respýblıkasynyń týyn, Qazaqstan halqy Assambleıasy men «EKSPO-2017» halyqaralyq kórmesiniń jalaýlaryn alyp ushty.
Eren erlerdiń el aldynda eńseleri bıik. Qazaq halqy osyndaı batyr uldarymen maqtanady! Ǵaryshkerler kúni qutty bolsyn!
Qamshyger: Alına Bolatbek
