«EHRO – 2017» Halyqaralyq mamandyrylǵan kórmesine arnalǵan İİİ dástúrli respýblıkalyq «Úsh Bı» pikirsaıys týrnıri ótti dep habarlaıdy "Qamshy" aqparattyq agenttigi Aqmola oblysynyń óńirlik komýnıkasıalar qyzmetine silteme jasap.

İs-sharanyń uıymdastyrýshylary - Aqmola oblysynyń jastar saıasaty máseleleri basqarmasy men «Aqmola pikirsaıys lıgasy» JQB. Týrnırge Astana, Qostanaı, Qaraǵandy, Oral, Aqtóbe jáne t.b. qalalarynan 40 komanda qatysty.

8 sáýir kúni irikteý oıyndary ótkizildi. 9 sáýir kúni aqtyq oıyndary, jabylý saltanaty men jeńimpazdardy jáne júldegerlerdi marapattaý rásimi ótti.

Pikirsaıys týrnıri qazaq jáne orys tilderinde Halyqaralyq Brıtandyq Parlamenttik formaty boıynsha ótkizildi.

Týrnırdiń 5 irikteý oıyndary ótti. Týrnır jeńimpazdarynyń ataǵy úshin kúresken 8 komanda oıyndardyń aqtyq kezeńine ótti.

Týrnırdiń jabylý saltanaty men jeńimpazdardy jáne júldegerlerdi marapattaý rásimi Kókshetaý qalasynyń № 2 orta mektebinde ótti.

Týrnırdiń qorytyndysy boıynsha birinshi oryndy Astana qalasynan «Opatop» komandasy jáne Qaraǵandy qalasynan «Oılan, tap» komandasy ıelendi, astananyń «Zadorınkı» jáne «Uly parasat jaýyngerleri» komandalary ekinshi orynǵa ıe boldy, úshinshi oryndy «Kokshetaýskıe pránıkı» komandasy jáne Astana qalasynan «Syńba baýyrym» komandasy aldy.

Úzdik spıkerlerdiń ataǵyn L.N.Gýmılev atyndaǵy Eýrazıa ulttyq ýnıversıtetiniń stýdenti Baýyrjan Áshiráli jáne Nazarbaev Ýnıversıtetiniń stýdenti Alekseı Shvyrko aldy.

Dıan Aıbashpanov (Kókshetaý q.) ı Ótemis Ǵalymjan (Qaraǵandy q.) týrnırdiń úzdik tóreshileri ataǵyna ıe boldy.

Jeńimpazdar men júldegerler dıplomdar men syılyqtarmen marapattaldy.

Sonymen qatar, is-shara sheńberinde 2016 jyly qurylǵan «Aqmola pikirsaıys lıgasy» JQB jáne Kókshetaý qalasynyń № 2 orta mektebi arasynda yntymaqtastyq týraly memorandýmǵa qol qoıyldy.