Astanada dámhana qyzmetkerleri kelýshilerge esirtki satqan, - dep habarlaıdy "Qamshy" aqparattyq agenttigi Tengrinews.kz portalyna silteme jasap.

Bul jaıynda Astana qalalyq İİD baspasóz qyzmeti málimdeme jasady.

"Elordadaǵy qaýipsizdik pen jaılylyq" jobasynyń barysynda Astana qalalyq İİD esirtki bıznesimen kúres basqarmasynyń qyzmetkerleri dámhanalardyń birinen esirtki saqtaý men ony satý deregin anyqtady.

"İİD qyzmetkerleri saýyq kesheni qyzmetkerleriniń "marıhýana" esirtki quraldaryn satqanyn anyqtady. Jumys ornyn tekserý barysynda esirtki zattary tabylyp, tárkilendi", - dedi İİD baspasóz qyzmetindegiler.

Ustalǵan er adamdar Astana qalalyq İİD ýaqytsha ustaý ızolátoryna qamaldy. Sotqa deıingi tergeý júrgizilip jatyr. "Qazirgi ýaqytta oıyn-saýyq kesheni basshylyǵyn QR Ákimshilik quqyq buzýshylyq týraly kodekstiń  422-baby boıynsha ("Esirtki, psıhotroptyq zattar men prekýrsorlardy ótkizýdiń jáne (nemese) medısınalyq emes turǵydan tutynýdyń jolyn kesýge sharalar qoldanbaý") ákimshilik jaýapkershilikke tartý máselesi qarastyrylyp jatyr", - dedi Astana qalalyq İİD ókilderi.