Sertıfıkattattalǵan elektrotehnıkalyq ónimdi óndiretin otandyq Astana elektrotehnıkalyq zaýyty (AETZ) Office 365 Business júıesin óz jumysyna endirdi. Qazirdiń ózinde kompanıanyń 60%-dan astam qyzmetkeri bulttyq júıede jumys jasaýda dep habarlaıdy "Qamshy" aqparattyq agenttigi.
«Microsoft ónimderimen burynnan tanyspyz jáne de ony qoldaný barlyǵy úshin derlik aıtarlyqtaı jeńil, sondyqtan bizdiń qyzmetkerlerimizge Office 365 Business júıesine ótý qıyndyq týdyrǵan joq, al jastar bultta jumys jasaýdy sanaýly kúnder ishinde ıgerip ketti. Qyzmetkerler braýzer arqyly kirip, kestelerdi birge redaksıalaıdy, bul óte yńǵaıly, ıaǵnı árbir qyzmetkerdiń qandaı jumysty atqaryp jatqanyn birden bilýge bolady», - dep atap ótti zaýyt bas dırektory Asqar Syzdyqov.
Microsoft kompanıasynyń bulttyq ónimine ótý nátıjesinde otandyq óndirýshi negizgi baǵdarlamalar men qujattarǵa turaqty ári qaýipsiz túrde qol jetkizýde, sondaı-aq, IT-ınfraqurylymnyń iske shyǵýyna baılanysty oryn alatyn kútpegen jaǵdaılardyń sany da barynsha azaıyp otyr. AETZ-na arnap baptalǵan sheshim qupıa aqparattyń baıqaýsyzda jiberilý, urlaný qaýpin tómendetip otyr. Máseleniń qarjylyq jaǵy da tańdaýdyń osy jańa sheshimge túsýine áser etken. «Árbir qyzmetkerge shaqqanda, Microsoft usynǵan Office 365 Business júıesi kúnine shamamen 125 teńgege túsedi, kásiporynnyń alańsyz jumys jasaýy úshin bul sonshalyqty úlken aqsha emes», - dep pikirimen bólisti AETZ ókili Álisher Muhametjanov.
Office 365 júıesin endirýge deıin basqa bólimderdegi qyzmetkerlerdiń qujatqa engizetin túzetpelerin der kezinde qadaǵalap otyrý múmkin bolmaıtyn, sondyqtan bul jumys barysyn uıymdastyrýǵa teris áser etip keldi.
AETZ shtatynda shamamen 45 ınjenerlik-tehnıkalyq qyzmetker jumys jasaıdy, alaıda olardyń barlyǵyna bultta jumys jasaý qajet emes. Sondyqtan bastapqyda 35 lısenzıa satyp alyndy, taıaý ýaqytta taǵy 10 lısenzıany satyp alý josparlanyp otyr.
Klıentterdiń qosqan oı-pikirleri men tilekterin eskere otyryp shyǵarylatyn sońǵy jańartýlarǵa lısenzıa aıasynda qol jetkizýge bolatyndyǵyn zaýyt ókilderi Office 365 Business júıesiniń basty artyqshylyqtary retinde atap otyr.
Microsoft ónimin AETZ jumysyna endirýmen Life 2 Win kompanıasy aınalysty. Kompanıa dırektory Igor Hýdomásov atap ótkendeı, buǵan deıin tapsyrys berýshi DropBox bulttyq qoımasyn qoldanyp kelgen, alaıda orys tilinde qoldaýdyń bolmaýy qıyndyqtardy týdyrǵan. Onyń ústine keńselik qosymshalarmen yqpaldasýy da oıdaǵydaı bolmaı shyqqan. Sondaı-aq, Igor Hýdomásovtyń aıtýynsha, jańa sheshimge kóshý qoldanýshylarǵa qıyndyq týdyrmady. Klıenttiń ınterfeıske qatysty jáne de fýnksıonalǵa baılanysty aıtqan búkil tilekteri eskerildi, al sheshim endirilgen soń, tehnıkalyq mamandar jalpy osy júıeni qoldaný jóninde oqýdan ótken. Sondyqtan jańa sheshimge ótý jumys barysyna eshqandaı yqpalyn tıgizgen joq.
«Microsoft Office 365 Business júıesin endirý arqasynda bizdiń kompanıanyń qaýipsizdigi qamtamasyz etilip, endi kez kelgen qurylǵy arqyly qujattarǵa kirip, bultta birlese otyryp yńǵaıly túrde jumys jasaýǵa múmkindik alyp otyrmyz. Bul sheshim sapa men baǵa jaǵynan bizdiń kóńilimizden shyqty, sondaı-aq, biz vendordan keńinen tehnıkalyq qoldaý alyp otyrmyz», - dep sózin qorytyndylady AETZ bas dırektory Asqar Syzdyqov.
Qazirgi tańda Microsoft ónimderi men bulttyq tehnologıalaryna degen suranys qazaqstandyq óndirýshiler arasynda artyp keledi.
