Ýkraınanyń qaýipsizdik qyzmeti (ÝQQ) Kıev qalasynda adam aǵzasyn satýshylardy quryqtady dep habarlaıdy «Qamshy» aqparattyq agenttigi ÝQQ baspasóz qyzmetine silteme jasaı otyryp.

«Ýkraınanyń qaýipsizdik qyzmeti Kıev qalasynyń prosesýaldy sotymen birige otyryp, adam aǵzasyn satýmen aınalysatyn halyqaralyq qylmystyq top múshelerin tutqyndady», - delingen málimdemede.

Quqyq qorǵaýshylardyń málimetinshe, ýkraındyq jáne ózge de elderdiń azamattary eldegi jaǵdaıy tómen otbasylardy taýyp, olardyń múshelerine óz aǵzalaryn satý týraly usynys tastaǵan. Óz isterin jasyrý maqsatynda olar halyqaralyq densaýlyq týrızmi baǵytynda jumys jasaıtyn komersıalyq uıym ashqan. Olardy shetel asyryp, ota jasatý maqsaty kózdelgen. Jylyna 4-5 ýkraındyq shetelge shyǵyp otyrǵan.

Aǵzaǵa tapsyrys berýshilerden seksen myń men júz myń AQSH dollary kóleminde aqsha alyp, onyń tek on bes myńyn aǵzasyn berýshilerge ustatqan.

Qylmystyq toptyń tek alty múshesi ǵana ustalǵan. Endi olar 8-15 jyl kóleminde bas bostandyǵynan aıyrylady.

Qylmystyq iske baılanysty tergeý áli de jalǵasýda.