Saıt ujymy sáýir aıynan bastap jumystaryn toqtatady.

Central Asia Monitor gazetiniń bas redaktorynyń keńesshisi Bıgeldi Ǵabdýllın Radiotochka saıtynyń jabylatynyn málimdep, satylymǵa shyǵardy. Onyń aıtýynsha, sáýirde qyzmetkerler tıisti jalaqylaryn alyp, saıt betinde endi Central Asia Monitor gazetiniń maqalalary ǵana jarıalanatyn bolady, dep habarlaıdy "Qamshy" aqparattyq agenttigi.

Ǵabdýllın portaldy satatyn oıy bolǵanymen, saýdaǵa salmaıtynyn aıtyp qaldy.

«Bizde qarajat boıynsha máseleler týyndady. Jabylý merzimine sanaýly kúnder qaldy. Búgin jabylatyny jaıly aqparat jarıalandy, al qyzmetkerlerdiń bári sáýir aıynda tıisti jalaqylaryn qoldaryna alady. Endi Radiotochka portaly brend retinde  Central Asia Monitor gazetine tıesili saıt retinde jumys isteıdi. Eger portaldy satyp alam deýshiler bolsa, qarsy emespiz. Biraq, aýksıonǵa ótkizilmeıtin bolady. Búgingi kúni satyp alýshyny tabý da qıyn» deıdi Bıgeldi Ǵabdýllın informburo.kz-ke bergen suhbatynda.

Bas redaktordyń aıtýynsha, sońǵy tórt aıda atalmysh portalda 6-8 adam ǵana jumys istegen.

«Endi 3 aı shydaǵanda «Radıotochkada» istegenime 3 jyl tolatyn edi. 3 jyl ýaqytymdy arnadym bul portalǵa. Ázirge ne isterimdi bilmeı dalmyn» dep jazdy portal qyzmetkeri Evgenıa Sazanova óziniń Feısbýk paraqshasynda.

Aıta keteıik, 24 qańtarda Bıgeldi Ǵabdýllınge laýazymdy sheneýnikter – Bozymbaev, Kókirekbaev jáne Amanshaevtarden memlekettik tapsyrmalardy kúshpen aldy degen aıyp taǵylyp, sot 5 jylǵa bas bostandyǵynan aıyrý týraly sheshim qabyldaǵan.