Amerıkandyq Adam Djonson men Skott Sprınggs  esimdi eki azamat tarıhta «eń aqyldy tutqyndar» retinde qalmaq.  Ogaıo shtatynda marıon túrmesinde jazalaryn ótep júrgen olar

       Tehnıkalyq jabdyqtardy qaıta óńdeýden keıin ózderimen birge kompúterdiń birshama mańyzdy, qajetti bólikterin alyp ketken. Solaı qaldyqtardy jınaı kele jańa kompúterler jasap shyǵarǵan. Bul týraly «Qamshy» aqparat agenttigi life.ru-ǵa silteme jasap habarlaıdy.

Málimetterge súıensek, tolyqqandy jumys isteıtin kompúterler  túrme kamerasyndaǵy shkaftyń joǵarǵy jaǵynda jasyrynǵan eken. Sonymen birge, kompúter quraldary joǵarǵy Departament apparatyna qosylýly bolǵan eken.

           Sprınggs pen Djonson qalaı ekeni belgisiz, kamera tóbesi arqyly jelige shyǵyp, ǵalamtorǵa qoljetimdilik alǵan. Ǵalamtor jelisine qosylýǵa múmkindik alǵan ekeýi ǵalamtor jelisinen qoldan jarylatyn zattardy jasap shyǵarý, esirtkini qoldan jasaý týrasynda maqalalardy oqyp, vıdeo kórgen.

Sonymen birge, Djonson basqa tutqynnyń jeke bas málimetterin urlap, kredıttik kartalaryna qoljetkizý maqsatynda saqtandyrý nómirin qoldanǵan.

Árıne, oıyn-saýyq týraly da eki aqyldy tutqyn umytpasa kerek: túrli serıaldardy, pornografıany kóshirip alyp qasyndaǵy tutqyndarǵa taratuan.

Úkimet organdarynyń pikirinshe, eki túrme tutqyny ǵalamtorǵa shyǵý múmkindigin túrme qujattaryna qoljetkizý maqsatynda qoldanǵan.

Eki er adam 2015 jyldan bastap osy áreketterimen aınalysyp kelgen, bir qyzyǵy muny eshkim baıqamaǵan. Tek arada eki jyl ótken soń ǵana túrme tutqyndarynyń bul qylmysy  áshkere boldy.