Dintanýshy Murtaza Bulytaı óziniń Facebook paraqshasyna Talǵar aýdanyndaǵy tas joldyń tarlyǵyn jazdy.
"Almaty qalasynan Talǵar aýdanyna shyǵa beristegi "Halyq Arena" sport kesheniniń aldyndaǵy tasjolda táńerteń saǵat 06:30-10:00 aralyǵynda jáne keshki 17:00-20:30 aralyǵynda kólik keptelisi bolady.
Bul tasjol Talǵar aýdany jáne aınalasyndaǵy aýyldardyń turǵyndarynyń qalaǵa shyǵatyn jalǵyz jol. Sondyqtan táńerteń jumysqa barý jáne keshkisin jumystan qaıtatyn ýaqytta tizginshiler ýaqytyn ysyraptaýǵa májbúr bolýda.
Meniń baıqaýymsha, basty sebep tasjoldyń tarlyǵynda, kóliktiń kóptiginde bolyp turǵanymen, kólik aǵysyn toqtatyp jatqan túkke turǵysyz sebepter de bar.
Sonyń biri "Halyq Arena" sport kesheniniń aldyndaǵy jaıaý júrginshiler joldyń arǵy jaǵyna ótetin oryn (zebra). Bul jerde jaıaý adamdar ótetin kópir bolmaǵandyqtan, ersili-qarsyly ótip jatqan adamdarǵa joldy berýge májbúr bolyp turǵan júrgizýshiler keptelistiń paıda bolýyna sebep bolýda.
"Halyq Arena" jobasy bastalǵanda osy jerge kópir nemese jer asty ótkeli bolatyn shyǵar dep úmittenip edik, ol bolmady. Sýrette oqpen kórsetilgen orynǵa sondaı bir kópir jasalsa, kólikter toqtamaı ótetindikten keptelis te azaıar edi.
Bul kóp qarjyny qajet etpeıtin jáne qysqa ýaqytta júzege asyrylatyn joba ǵoı, halyqtyń ıgiligi úshin salyp berýińizdi ótinemin" dep jazdy Murtaza Bulytaı.
