Shyndyqqa mylqaý, ósekke sheshen el edik,
Nesine bizden suraısyń qalqam, tórelik?..
Jaqsyny japan dalada jalǵyz qaldyryp,
Jamandy qaıta ótirik dańqqa bóledik.
Jabynyń aılap kúshenip tapqan uıqasyn,
Jabyla maqtap, shymyrlatamyz quıqasyn.
Ýájge joqpyz, ýádege toqpyz bósteki,
Qudaıym qaıtip mańdaıymyzdan syıpasyn?!
Jumysqa jalqaý, qumarmyz kókpar shabýǵa,
At qosyp bylaı... eńbeksiz tabys tabýǵa?!
Juma namazda judyryqtasyp qalamyz.
Haqymyz bar ma Qudaıǵa bizdiń jaǵýǵa?!
Qazaq emespiz... Qońyrat, Naıman, Dýlatpyz,
Ata-ata bolyp atysyp jatqan dýrakpyz!
Úsh uıqasy úsh jaqqa tartqan shýmaqpyz,
Bytyrap júrip qalaısha jaýdy qýmaqpyz?!
Qanybek Sarybaev
