Memleket basshysynyń boljamynsha 2025 jyly Túrkimenstan turǵyndary jaman ádetterden qutylýy tıis, dep habarlaıdy Qamshy aqparattyq agenttigi.

Túrkimenstan prezıdenti Gúrbanǵuly Berdimuhamedov "temekimen kúres" atty ulttyq baǵdarlamany bekitti. Baǵdarlama maqsaty Túrkimenstan 2025 jyly «temekiden azat memleket» bolýy tıis, dep jazady «Nastoıashee vremá».

Baǵdarlamany júzege asyrýǵa mýnısıpaldy bılik te atsalyspaq.

Basylymnyń málimetinshe, Túrkimenstanda temekimen kúres 2011 jyldan beri júrip jatyr eken. 2 jyldan keıin bılik qoǵamdyq mekemelerde temeki shegýge tyıym salyp, turǵyndardy nasybaı men temekiden bas tartýǵa shaqyrǵan.

Alaıda, 2016 jyldyń qańtarynda Memlekettik Qaýipsizdik Keńesiniń otyrysynda Gúrbanǵuly Berdimuhamedov salaýatty qoǵam qaýipsizdiginiń qyzmetine kóńili tolmaǵanyn jetkizgen. Qyzmet basshysy qatań sógis alyp, Túrkimenstandaǵy temeki shegýge tyıym salý máselelerin tez arada qolǵa alýǵa kóshken.

Keńes otyrysynan soń-aq dúkender men bazarlarda temekiler satylymnan shyqty dese de bolady. Al, keıbir jerlerde bir qoraby 13 dollarǵa deıin kóterildi.

Prezıdent Gúrbanǵuly Berdimuhamedov memlekette salaýatty ómir saltyn ustaý sharalaryn qolǵa aldy. Tipti, jergilikti arnalar prezıdenttiń sportpen shuǵyldanatyny jaıynda jıi kórsetedi.

18 sáýirde Túrkimenstan prezıdenti resmı saparmen 2 kúnge Qazaqstanǵa keledi. Kelissózdiń maqsaty – eki memleket arasyndaǵy seriktestikti arttyratyn qujatqa qol qoıý.