Ózge eldi qaıdam? Qytaı elindegi qazaqtar qalaǵan kezinde shetelge shyǵatyn tólqujat ala almaıdy. Ol úshin buryndary arnaıy shaqyrtý qajet bolǵan. Qazir «ishine tólqujatynyń kóshirmesin salyp, tıisti týystary hat jazsyn» degen jarlyq shyǵypty. Qazaqtyń bári týys.  Endeshe qazaqqa qazaq qosýǵa atsalysyńyz aǵaıyn! Hat kútip jatqan aǵaıyndy biz aıtyp beremiz... Siz tek hat jazyńyz. Oralmandarǵa baılanysty oı-pikirińizben bólisip, saıtqa jarıalaý bizdiń moınymyzda. Bul hattar jaı hat emes, tarıhqa taspen jazylatyn hat.

Hal qalaı, baýyrym!

Sálem saǵan, Altaıym,

Tentegiń sonsha saǵyndy.

Joǵalyp ketken bir taıyń,

Tarlandap baryp tabyldy! –dep jyrlap edi kezinde Maǵaz Razdan atamyz. Marqumnyń sol óleńi barsha qazaqtyń tamyryn dóp basqan edi. Ras. Úıirinen adasqan qasqa qulynǵa basqanyń noqtasy salynatyny sózsiz. Tek temirqazyǵynan jańylmasa ǵana atajurttyń jýsan ısi ózi shaqyrady. Ilaıym, búgingi qazaqqa bozingenniń meıirin bersin deımiz.

Ózge elde ulyq bolǵansha, óz shańyraǵyńa ýyq bol baýyrym! Kelýińdi asyǵa kútemin!

Qumar JUMAHANULY