EQYU Parlamenttik Assambleıasynyń kúzgi otyrysynda QR Parlament Senatynyń tóraǵasy Qasym-Jomart Toqaev Ýkraınadaǵy beıbit halyqqa qarsy jasalǵan áskerı qylmystardy tergeýmen aınalysý qajettigin atap kórsetken. Bul týraly QazAqparat habarlady.

Toqaev málimdegendeı, Ýkraına daǵdarysy tek barsha ýkraın halqynyń ǵana basyna tóngen tragedıa bolyp otyrǵan joq.  Sonymen qatar olar jahandyq qaýipsizdikke shynaıy qater tóndirýde. Ýkraınadaǵy barlyq áskerı is-qımyldar, eń aldymen  EQYU-nyń kómegimen Ýkraına men Reseı kóshbasshylary arasyndaǵy suhbattastyqqa jol berýi tıis. Senat tóraǵasy óz sózinde Qazaqstan prezıdenti Nursultan Nazarbaevtyń Mınskide joǵary deńgeıdegi kezdesý ótkizý týraly bastama kótergenin, onda Reseı men Ýkraına Prezıdentteri arasynda suhbattastyq tetigi iske qosylǵanyn jáne baılanys toptary arasyndaǵy kelissózderdiń qaıta jandanǵanyn basa aıtqan.

EQYU-ny sanksıalyq teke-tiresti doǵarýǵa shaqyrǵan Qasym-Jomart Toqaev EQYU Ýkraınadaǵy beıbit halyqqa qarsy jasalǵan áskerı qylmystardy tergeýmen aınalysý qajettigin de atap kórsetken. Sebebi, adamzat balasyna jasalǵan qylmystarǵa kináliler jazaǵa tartylýy tıis. Barlyq  qıyndyqtarǵa qaramastan oryndalýy qajet. Bul sharýa EQYU-nyń kidirtýge bolmaıtyn mańyzdy mindetterdiń biri.

Qamshy-aqparat