Keshe Dmıtrıı Fýrmanovtyń (shyn aty - Fýrman) "Búlik" romanyn oqyp shyqqan edim. Qazaqstanda, Túrkistanda 2 jyldan az ómir súrgen. Qazaqqa tıgen bir paıdasy bar: 1920 jylǵy 12-19 maýsymdaǵy orys-kazaktardyń Almatydaǵy búligin aıaýsyz janshyp basqan, solardy qarýsyzdandyrǵan (jalpy komısarlyǵynan, karateldigi basym ǵumyrynda, ishki Reseıde de halyq kóterilisterin aıamaı ezgen). Bizge belgilisi Chapaevtyń komısary bolǵan (biraq Chapaı áıeli Anna Steshenkomen kóńildes bolyp, komısarymen byt-shyt bolǵan. Sondyqtan Fýrmandy bizge qaraı jibergen, páleden aýlaq dep). 1926 jyly menıngıtpen aýyryp, 35 jasynda Máskeýde kóz jumǵan. Artynda 3-4 iri prozalyq dúnıesi qalǵan. Qazaqtardyń Almatydaǵy Fýrmanov kóshesin joıý kerek degenin jaqsy túsinemin. Al orystardyń osyny qyzǵyshtaı qorǵaıtynyna tańym bar. Óz tarıhyn múldem bilmeıdi ǵoı...
Taǵy bir oı kelgen: osy bizdiń Almatyda nege Azattyq nemese Táýelsizdik kóshesi joq, á? Kóp qalada bar bundaı kósheler. Fýrmanovtyń atyna kóp talas bar. Biri - tuńǵyshymyzǵa saqtaýly deıdi. Bizder - Altynbek marqumǵa berińder dep jatyrmyz. Shyndap kelsek Azattyq, Táýelsizdik degen qasıetti uǵymdardan bıik eshkim joq shyǵar! Aldaǵy jyly Qazaq handyǵynyń 550 jyldyǵy kele jatyr. Jánibek pen Kereı kóshesi bolsyn. Qazaqtyń basqa da handary bar.
Aıdos Sarym. (Facebook-tegi paraqshasynan)
