Jańa jyl qarsańynda aǵam maǵan sýdaı jańa kólik syılady. Keńseden shyqsam, mashınamdy aınalsoqtap bir bala tamashalap júr eken. «Bul sizdiń kóligińiz be?» – dep suraǵan balaǵa: «Iá, meniki. Ony maǵan aǵam syılady», – dep maqtanyshpen jaýap berdim. Kózderi jaınap ketken bala: «Shirkin, sizdiń...» deı bergende aq, onyń oıyn birden uqtym. Ol da «kólik syılaıtyn baı aǵam bolsa» dep armandap turǵan shyǵar.+

Biraq bala: «Shirkin, sizdiń aǵańyzdyń ornynda bolsam ǵoı» dep, men kútpegen sózdi aıtty. Balanyń nıetine rıza bolyp kettim de, kóligimmen qydyryp qaıtýǵa shaqyrdym. Sál júrgennen keıin bala qýanyshty daýyspen: «Aǵa, keshirińiz. Meniń úıimniń aldyna toqtaı alasyz ba?» – dep ótindi. Úıine ádemi kólikpen kelgenin kórsetip, kórshilerine maqtanǵysy kelip turǵan shyǵar degen oımen toqtaı qaldym.

Biraq taǵy qatelesippin... Úıine júgirip kirip ketken bala bir kezde kishkentaı múgedek inisin arqalap shyǵyp, kólikti nusqap: «Kórdiń be? Bári de jańa saǵan aıtqanymdaı. Bul kólikti myna kisige aǵasy syılapty. Men de kúnderdiń bir kúninde mindetti túrde, saǵan osyndaı mashına syılaımyn. Sosyn qalaǵan jerińe óziń bara alatyn bolasyń», – dedi júzi bal bul janyp. Kishkentaı balanyń inisine degen súıispenshiligine tolqyp kettim. Kóligimnen túsip, inisin mashınanyń aldyńǵy ornyna otyrǵyzdym. Máz bolyp ketken balaqaı artqy orynǵa jaıǵasty. Úsheýmiz birazǵa deıin qydyrdyq. Men sol kúni birdeńeni alǵannan da bergenniń kóbirek baqyt syılaıtynyn túsindim...

Sholýshy: Ásel Óteshova