4 shaqyrym tereńdiktegi teńiz tuńǵıyǵyn zertteý barysynda ǵalymdar buryn sońdy kórmegen balyq túrin tabady. Onyń ústine bul balyq osydan 150 jyl buryn joıyldy dep sanalǵan.

Avstralıadaǵy Memlekettik ǵylymı jáne ónerkásiptik zertteý ortalyǵy alǵashqy ret Tasmanıdiń soltústiginen bastap Kvınslendtiń ortalyǵyna deıingi sýdy qamtıtyn 4 shaqyrym tereńdiktegi teńiz tuńǵıyǵyn zerttedi. Ǵalymdar sýdyń tereńdigindegi erekshe tirshilik ıelerin túsirý úshin sý asty kamerasyn qosqan, sondaǵy kózderine túskeni – «beti joq» balyq.

Ustalǵan balyqtyń aýzy bolǵanymen beti joq, sondaı-aq kózi de bolmaǵan. Zertteýshilerdiń pikirinshe, kózi terisiniń tereńine kirip ketken, sondyqtan kórinbeıdi. Dál osyndaı balyqty sońǵy ret Korall aralynda 1870 jyly ustaǵan.

Endigi sırek kezdesetin balyq túrin zertteý jumystaryna kirisip ketti. Ǵalymdar zertteý sátti aıaqtalsa, nátıjesi aldaǵy onjyldyqtyń klımatyndaǵy ózgeristerdi anyqtaýǵa múmkindik beretinin aıtady.

Sholýshy: Sabına Ramazan