16 jastaǵy Elıza Vasnı Chıkagonyń Lınkolnvýd aýdanynyń turǵyny. Saýda dúkenine baryp onda «machete» qylyshyn urlap alyp taksı shaqyrtqan. Taksı júrgizýshisi 34 jastaǵy Grant Nelson qyzdyń qurbany bolǵan. Jetkinshek taksıstke qylyshpen shabýyl jasaǵan dep habarlaıdy life.ru. Grant Nelson qyzdy kólik ishinen shyǵaryp jiberip, adamdardy kómekke shaqyrýǵa qaýqary jetken. Alaıda aýrýhanaǵa jetkizilgen ol birneshe saǵattardan soń aýyr jaraqattardan kóz jumdy. Qylmysker qyz oqıǵa oryn alǵan aýmaqtan alys emes jerden tabyldy. Onyń qolynda pyshaq, machete qylyshy bolǵan.

Qyzdyń mundaı áreketke barý sebebi belgisiz. Ózi eshteńe aıtyp málimdeme jasamaǵan.  Qylmysker qyz jetkinshek retinde emes eresek retinde jaýapqa tartylatyn bolady.

Qaza tapqan taksıst týraly tanystary men jaqyndary eshkimde jumysy joq eńbekqor azamat retinde bilgendikterin aıtqan. Túnde daıarshy, túnde taksıst bolyp qyzmet etip júrgen eken. 

Sholýshy: Nazerke MUSA