Qandaı qıyn.... Ata rýhy - qandaı órshil?
Qıyp túser qylyshtan.
Zamanynda kóre almady, talap jedi, tus-tustan,
Al búginde umyt bolmas, erligi onyń óıtkeni:
Qasyq qany qalsadaǵy qaıtpaıtuǵyn soǵystan.

Eli úshin!
Jeri úshin!
Terin tógip aıanbaý,
Ult namysyn!
Óz boryshyn!
İspen kelip baıandaý.
Sózben emes júregimen súıetuǵyn óz elin,
Atama tán minez edi, daýyl soqsa taıanbaý.

Qandaı qıyn...
Sen bilesiń!
Ómirińdi súre almaý.
Súresiń ǵoı biraqtanda...
Óz tegińnen jyraqtaý.
Ómirińdi ótkizýge bolady eken biraqtan:
«Atańsyz» ótken árbir kúniń, óz-ózińdi qur aldaý.

Qandaı qıyn...
Bul ómirde atańyzdy kóre almaý,
«Ata-ata»,-dep erkelep,
Qushaǵyna ene almaý.
Qandaı qıyn...
Atańyzdyń qolyn qysyp ustamaý,
Shúıirkelesip áńgime aıtyp,
Ertegisin tyńdamaý.

Qandaı qıyn...
Atańyzben tyǵylyspaq oınamaý!
Qandaı qıyn...
Atańyzdyń júregine boılamaý!
Qandaı qıyn...
Atańyzdyń jáı-kúıin de oılamaý!
Qandaı qıyn...
Mereı toıyn dúrkiretip toılamaý!

Qandaı qıyn...
«Nemerem»,- dep aıtqanynda estimeý,
Amalsyzdan qarap tursań, sýretine eskileý...      

Ernar Ergesh, 11 synyp oqýshysy