Biz, áıelder qaýymy únemi izdenistemiz. Únemi qorshaǵan ortaǵa, adamdarǵa, qoǵamǵa, erlerge unaýǵa tyrysamyz, sol úshin túrli qurbandyqtarǵa baramyz. Sebebi tabıǵattan áıel balasy adamdardyń yqylasyna, nazaryna táýeldi. Sonyń ishinde er adamdardyń...
Kóp áıelder jıi bas qatyratyn suraq «Er adamdarǵa qandaı áıelder unaıdy?» ekeni belgili. Bıik ókshe kıip betine opa -dalap jaqqan óziniń bet-álpetine erekshe mán beretin qyzdar ma? Álde er adamdarǵa názik úlbiregen qyzdar unaıdy ma? Negizinen alǵanda bulardyń bári jáı ǵana syrt kelbetke baılanysty dúnıeler. Al syrt kelbet- ýaqytsha ǵana dúnıe. Munymen kópshiligi kelispeýi de múmkin. Alaıda shyn máninde ádemlik, sulýlyq ýaqyt óte kele úırenshikti bolyp ketedi. Siz ony qalasyńyz da, qalamasańyz da.
Er adamdardy eń birinshi orynda myna nárse qyzyqtyrady. Ol uzyn aıaq, symbatty tán,tipti Djolıdiń erinderi de emes. Ǵalymdar uzaq ýaqyt boıǵy zertteýlerden keıin bul suraqtyń jaýabyn tapty. Er adamdar «baqytqa» ǵashyq bolady. Baqyt. Iá. Jalpy alǵanda er adamdardy da, áıel adamdardy da qyzyqtyratyn- baqyt. Baqytty adamnyń janynda bolý – erekshe sezim syılaıdy.
Kez-kelgen adam tabıǵatynan ózimshil. Ózine serik izdegende biz eń birinshi jeke basymyzdyń baqyty men jaǵdaıyn oılaımyz. Baqytty adamǵa qaraǵan kezde, baqytta adammen sóılesken kezde biz avtomatty túrde sol adammen baqyty bola alatynymyzǵa kózimiz jetedi.
Árıne, ár adam baqyt uǵymyn ár túrli qabyldaıdy. Baqytty adamdar myna qasıetterge ıe:
1. Baqytty adamǵa qarap siz jeńildikti sezinesiz. Kez-kelgen bolmashy nárse úshin kóńil-kúıin túsire bereıdi. Ol barlyq jerde ózin jaqsy sezinedi. Ómir súrip júgeni úshin baqytty.
2. Kúlimdep júredi. Kúlimdegen adam áldeqaıda tartymdy kórinedi. Adamdardy da ózine jaqyndatady.
3. Adamdarǵa jaqsy qarym-qatynas syılaıdy. Pozıtıvtilik, ózgelermen jaqsy qatynas ornatý baqytty adamnyń belgisi.
4. Tek ózi týraly ǵana emes, barlyǵy týraly pikir bildirip, qýanyshqa bólete alady.
5. Ózgeler kórgen jamannyń jaqsylyǵyn kóre alady. Aýa-raıy nashar ma? Ol problem al baqytty adam úshin kúnniń salqyndyǵy men boran keremet erekshe qubylys bolýy múmkin.
Er adam da solaı. Tabıǵı ınstınkt bizdi ózimizdi baqytty ete alatyn adamǵa jeteleıdi. Baqytty adam -ol ózine senimdi adam, ómirdi sezinetin, ózin de, adamdardy da qaz qalpynda qabyldaǵan adam. Eshkimnen kiná izdemeıtin, óziniń kemshiligin qabyldap ony túzeýge tyrysatyn adam. Baqytty adamnyń janynda siz de ózińizdi 100% baqytty sezinetińizge kepildik beremin.
Daıyndaǵan: Nazerke MUSA
