2012 jyldyń sáýir aıynda ýkraındyq jýrnalıs Oksana Sábro óziniń Facebook paraqshasyna Sasha esimdi bala týraly jazdy. Balanyń jasy 6-da. Sasha otbasynda altynshy bala. Áıeldiń aıtýynsha, anasy ony basqa balalarynan bólekteıdi.  Bala as úıde eski kerýette uıyqtaıdy eken. Anasy ony jıi soqqyǵa jyǵady. Bir kúni tipti 2 tisin balǵamen uryp túsirgen. Onyń bar kinási ústelde turǵan tamaqty jegeni.

Eń qyzyǵy týǵan aýylynda ony keremet ana dep esepteıdi eken. Onyń basqa balalary muntazdaı taza júredi. Al Sasha aýyryp qalǵanyn aıtyp, ózgelerge kórsetpeıdi.

Sasha jazda qysqy etikpen júredi eken. Sebebi bul onyń jalǵyz aıaq kıimi. Onyń tipti óz ish kıimi de bolmaǵan. Sasha aǵalarynyń eski kıimderin kıip júrgen. Bul jaǵdaı týraly jýrnalıser estigennen keıin birden Sashanyń turatyn aýylyna qaraı tartady. Sashanyń neni qalaıtynyn suraǵan jýrnalıserge tek sorpa men jýynyp alýyn suraǵan.

Qatigez áıeldi túsirýge kelgen túsirilim tobyn kórgende áıel kóp balaly ana ekenin aıtyp, úı alýǵa qarajat suramaq bolǵan. Alaıda munda Sasha úshin kelgenin bilgende áıel qorqyp ketken. Ol perzenthanada balasyn aýystyryp aldy ma dep qoryqqanyn aıtqan. Odan keıin Sasha únemi onyń ashýyna tıetinin moıyndaǵan.

Otbasy músheleriniń barlyǵy anasy ony kúnde uratynyn moıyndady. Áıeldi polıseıler alyp ketken.

Qazir bala aýrýhanada.

Onda ol ystyq tamaq iship, jyly tósekke uıyqtaı alady.

Sholýshy: Ásem Álmuhanbet