Birneshe aı ǵana ómiri qaldy degen er adam taýdy baǵyndyrýǵa bel baılaıdy, dep jazady Qamshy aqparattyq agenttigi.

Londondyq 47 jastaǵy Ian Týthıll qaterli isikke shaldyǵady. Ólimine birneshe aı qalǵan er adam Everesti baǵyndyrdy. Taýdyń shyńyn baǵyndyrý úshin Ian 20 kún jumsap, 5 maýsymda maqsatyna jetti.

Sheffıld qalasynda týǵan Ian jergilikti «Sheffıld ýendseı» fýtbol klýbynyń jankúıeri bolǵan. Al ómirindegi eń sońǵy saıahatyna er adam ózi jankúıer bolǵan fýtbol klýbynyń qarsylasy «Sheffıld ıýnaıted» komandasynyń týyn alyp shyqan. Er adamnyń aıýynsha, mundaı ótinishti Iannyń ekspedısıasy úshin 1000 fýnt sterlıń jumsaǵan «Iýnaıted» komandasynyń jankúıeri aıtqan.

«Bul jerde kóńil aýdararlyq dúnıe joq. Qaterli isikke shaldyǵyp, óletin kúnin sanap júrgen «Sheffıld ýendseı» fýtbol klýbynyń jankúıeri Everest shyńynda qarsylas komandanyń týyn ustap tur», dep jazdy taýdy baǵyndyrǵyn Ian óziniń Tvıtterdegi paraqshasyna.

Ólim aýzyndaǵy álpınısiń armanyn oryndaý úshin 700-ge jýyq adam  atsalysqan.   

«Men Everestke qaterli isikpen kúresip jatqan adamdar úshin shyqtym. Sol kúresten jeńilis taýyp, búginde dúnıeden ótken adamdardyń týystary úshin shyqtym», dep jazylǵan endi bir jazbasynda.

Bı-bı-sı radıosyna bergen suhbatynda Ian Týthıll «ómirde bári múmkin ekenin dáleldeýge» ýáde berdi.

Sholýshy: Gúlim Jaqan