Ulybrıtanıa gazeti «The Independent» oraza ustaý qıynǵa soǵatyn elderdi atap kórsetti, - dep habarlaıdy Qamshy aqparattyq agenttigi muftyat.kz sileme jasaı otyryp. Basylymnyń aqparaty boıynsha, bıylǵy qasıetti aıda shamamen 1,6 mıllıard adam oraza ustaıdy eken, bul degenimiz álem halyqtarynyń  22%.

Jaz aılarynda keıbir elderde, sonyń ishinde Laplandıada, Fınlándıada jáne Shvesıada kún únemi shyǵyp turýy múmkin, keıde 1 saǵatqa ǵana kún uıasyna batady eken. Atalmysh basylym Ramazan kezinde kún 55-aq mınýtqa batatyn soltústik Fınlándıada turatyn otbasymen áńgimelesip qaıtqan. 

«Bizdiń orazamyz tańǵy 1:35-te bastalyp, túngi 12:48-de bitedi. Osylaısha, orazamyz 23 saǵat 5 mınýtqa sozylady. Meniń Bangladeshte turatyn dostarym men týystarym bizdiń orazamyzdyń 20 saǵattan artyq bolatynyna sene almaıdy», - dedi januıa otaǵasy Mohammed.

Degenmen, onyń aıtýynsha, kórshi elderdegi musylmandar osyndaı jaǵdaılarǵa beıimdelip alǵan. Mysaly, Laplandıada turatyn musylmandar ózderine jaqyn ornalasqan musylman eli – Túrkıanyń oraza ustaý ýaqytymen júredi eken. 

Sholýshy: Ásel Óteshova