Sábı - shańyraqtyń shattyǵy. Dúnıege deni saý sábı ákelý úshin áıeldiń de densaýlyǵy myqty bolýy kerek. Dárigerler otbasyn qurmaq nıeti bar áıelderge aldyn-ala tekserýden ótýdi usynady. Sábıdiń dúnıege saý bolyp kelýine ananyń jasy da birshama áser etedi. Birneshe jyl buryn tuńǵyshyn kesh bosanǵan analarǵa 25-26 jastaǵy áıelderdi jatqyzatyn. Bolashaq analar úshin eń qolaıly ýaqyt 20 men 27-niń arasy dep tanylǵan. Alaıda ǵalymdardyń sońǵy zertteýleri basqasha kórsetkish berip otyr. Bul týraly málimetti  Qamshy aqparattyq agenttigi oqyrman qaýymǵa usynady. 

Qaı jasqa kelgende dúnıege sábı ákelgen durys degen saýal keshe-búgin paıda bolǵan joq. Jas analardyń densaýlyǵy úlken jastaǵy áıelderdiń aǵzasymen salystyrǵanda myqty, uryq jasýshalary qorshaǵan ortanyń zıandy zattary aǵzalaryna sińip úlgermegen. Al ekinshi jaǵynan qarasaq, jyl ótken saıyn áıelder nekege birshama kesh turyp jatady. Basty nazarlaryn mansap pen saıahatqa, jastyq shaqtyń qyzyǵyna jumsap jatady.

Kópshiliktiń pikiri boıynsha, 20-27 arasynda áıelder tuńǵyshyn  dúnıege ákelgen durys. Al Tehas ýnıversıtetiniń doktory Djon Mırovskıdiń aıtýy boıynsha, tuńǵysh sábıdi bosanýǵa 34 jas óte qolaıly. Onyń sebebin de túsindirip ketken.

34 jasta áıeldiń aǵzasy bala kóterýge yńǵaıly, beıim. Jas kezde áıeldiń boıynda túrli aýrýlar bolyp, bosaný barysynda qıyndyq týdyrady. Bul teorıanyń durystyǵyn psıholog mamandar da qoldap otyr. 30 jasta áıelder óziniń serigimen salmaqty, turaqty qarym-qatynasta bolady. Ómirlik tájirıbesi de bar, ári óz-ózderin qarjylandyra alatyn jaǵdaıda bolady.

Al dárigerlerdiń aıtýynsha, 35 jatsan keıin áıelder bala kóterýdi mamandarmen aqylaldasqany durys jáne qatań tekserýde bolý kerek.

Otbasyn qurý qanshalyqty mańyzdy bolsa, sol shańyraqtyń shattyǵyna aınalatyn sábıdi jaryq dúnıege alyp kelý de jaýaptylyqty talap etedi. 

Daıyndaǵan: Aıgerim TAÝBAI